കൊച്ചി: താൽക്കാലികമായി കേരള സാങ്കേതിക സർവകലാശാലയുടെ വിസിയായി നിയമിച്ച സിസ തോമസിന് തൽസ്ഥാനത്ത് തുടരുമെന്ന് ഹെെക്കോടതി. താൽക്കാലികമായി നിയമിക്കപ്പെട്ടതിനാലാണ് സിസ തോമസിന്റെ നിയമനം റദ്ദാക്കാത്തതെന്നും ഡിവിഷൻ ബെഞ്ച് വ്യക്തമാക്കി.
സിസ തോമസിനെ കെ ടി യുവിന്റെ താൽക്കാലിക വെെസ് ചാൻസിലറായി നിയമിച്ച ഗവർണർ ആരിഫ് മുഹമ്മദ് ഖാന്റെ നടപടി ഹെെക്കോടതി സിംഗിൽ ബെഞ്ച് ശരിവച്ചിരുന്നു. ഇതിനെതിരെയാണ് സർക്കാർ ഡിവിഷൻ ബഞ്ചിനെ സമീപിച്ചത്.
സിസ തോമസിന്റെ നിയമനം റദ്ദാക്കണമെന്നാവശ്യപ്പെട്ടുകൊണ്ടായിരുന്നു സർക്കാരിന്റെ അപ്പീൽ. പ്രത്യേക സാഹചര്യത്തില് ചാന്സലര് നടത്തിയ താല്ക്കാലിക നിയമനമാണ് സിസ തോമസിന്റേതെന്നും പുതിയ പാനല് ഉടൻ സമര്പ്പിക്കണമെന്നും കോടതി നിർദേശിച്ചു.
കെ ടി യു ആക്ട് പ്രകാരം ഇടക്കാല വി സി നിയമനത്തിനുള്ള പേരുകള് നല്കേണ്ടത് സര്ക്കാരാണ്. എന്നാല് സര്ക്കാര് നല്കിയ പേരുകള്ക്ക് പുറത്തുനിന്നാണ് സിസ തോമസിന്റെ നിയമനം നടന്നിരിക്കുന്നത്.
പുതിയ ഇടക്കാല വിസി നിയമനത്തിനുള്ള പട്ടിക സര്ക്കാരിന് കൈമാറാം. യുജിസി മാനദണ്ഡപ്രകാരം യോഗ്യതയുള്ളവരുടെ പട്ടികയാകണം ചാന്സലര്ക്ക് കൈമാറേണ്ടത്. പട്ടിക ലഭിച്ചശേഷം ഉചിതമായ തീരുമാനം ചാന്സലര്ക്ക് കൈക്കൊള്ളാമെന്നും ഡിവിഷൻ ബെഞ്ച് വ്യക്തമാക്കി.