24.2 C
Kottayam
Wednesday, November 20, 2024
test1
test1

മകന്റെ ഒന്നാം പിറന്നാള്‍ ദിനത്തില്‍ ഹൃദയത്തില്‍ തൊടുന്ന കുറിപ്പുമായി ഗായിക ശ്രേയ ഘോഷാല്‍

Must read

മുംബൈ: ശബ്ദമാധുര്യം കൊണ്ട് ലോകമെമ്പാടുമുള്ള സംഗീതപ്രേമികളുടെ മനംകവര്‍ന്ന ഗായികയാണ് ശ്രേയ ഘോഷാല്‍. ഭാഷയുടെ അതിര്‍വരമ്പുകളെ ഭേദിച്ച് ആരാധകലക്ഷങ്ങളെ സ്വന്തമാക്കിയ ശ്രേയ ഘോഷാല്‍ മലയാളികള്‍ക്കും ഏറെ പ്രിയങ്കരിയാണ്. 2021-ലെ ലോക്ക് ഡൗണ്‍ കാലത്താണ് ശ്രേയ അമ്മയാകുന്നത്. ദേവ്യാന്‍ മുഖോപാധ്യായ എന്നാണ് മകന്റെ പേര്.

ഇപ്പോഴിതാ മകന്റെ ഒന്നാം പിറന്നാളിന് അവനോടൊപ്പമുള്ള ഏതാനും ചിത്രങ്ങള്‍ പങ്കുവെച്ച് ഹൃദ്യമായ ഒരു കുറിപ്പും പോസ്റ്റ് ചെയ്തിരിക്കുകയാണ് ശ്രേയ തന്റെ ഇന്‍സ്റ്റഗ്രാം പേജില്‍. കുട്ടിക്കുറുമ്പനൊപ്പം അമ്മയും അച്ഛനും ഉള്‍പ്പെട്ട ചിത്രങ്ങള്‍ ഏറെ മനോഹരമെന്ന് ആരാധകരും കുറിയ്ക്കുന്നു.

‘ഞങ്ങളുടെ കൊച്ചുമകന്‍ ദേവ്യാന് ഒന്നാം പിറന്നാള്‍ ആശംസകള്‍. മാതാപിതാക്കളായി ഞങ്ങളെ ജനിപ്പിച്ച് ജീവിതം വളരെ മനോഹരവും സന്തോഷവും നിറഞ്ഞതാണെന്ന് നീ ഞങ്ങള്‍ക്ക് കാണിച്ചുതന്നു. ലോകത്തിലെ മുഴുവന്‍ സ്നേഹത്താല്‍ ഞങ്ങളുടെ മകന്‍ അനുഗ്രഹിക്കപ്പെടുകയും വളരുകയും ചെയ്യട്ടെ. എളിമയും സത്യസന്ധതയും നല്ല ഹൃദയവുമുള്ള മനുഷ്യനായി നീ വളരുക’ എന്ന് വളരെ ഹൃദയസ്പര്‍ശിയായ ഒരു കുറിപ്പാണ് മകന്റെ ഒന്നാം പിറന്നാള്‍ ദിനത്തില്‍ ശ്രേയ ഘോഷാല്‍ പോസ്റ്റ് ചെയ്തിരിക്കുന്നത്.

കഴിഞ്ഞ വര്‍ഷം മെയ് 22-നായിരുന്നു ശ്രേയ ഘോഷാലിന് മകന്‍ പിറന്നത്. ഭര്‍ത്താവിനും മകനുമൊപ്പമുള്ള ചിത്രം പങ്കുവെച്ച് ശ്രേയ മകന്റെ ജനനത്തെക്കുറിച്ച് ആരാധകരോട് പറഞ്ഞത് ഇങ്ങനെയായിരുന്നു.

‘ദേവ്യാന്‍ മുഖോപാധ്യായയെ പരിചയപ്പെടുത്തുകയാണ്. ഞങ്ങളുടെ ജീവിതത്തെ എക്കാലത്തേക്കും മാറ്റിക്കൊണ്ട് മെയ് 22-ന് അവന്‍ എത്തി. ഒരു അമ്മയ്ക്കും അച്ഛനും മാത്രം സ്വന്തം കുഞ്ഞിനോട് തോന്നുന്ന ഒരുതരം സ്നേഹം കൊണ്ട് ആദ്യ കാഴ്ചയില്‍ത്തന്നെ അവന്‍ ഞങ്ങളുടെ ഹൃദയം നിറച്ചു. പരിശുദ്ധവും നിയന്ത്രിക്കാനാവാത്തതുമായ സ്നേഹം. ഇപ്പോഴും ഒരു സ്വപ്നം പോലെയാണ് തോന്നുന്നത്. ജീവിതത്തിലെ ഈ മനോഹര സമ്മാനത്തിന് ശൈലാദിത്യയും ഞാനും ഏറെ കടപ്പെട്ടവരായിരിക്കും’. ശ്രേയ കുറിയ്ക്കുന്നു.

ശിലാദിത്യ മുഖോപാധ്യായയാണ് ശ്രേയയുടെ ജീവിതപങ്കാളി. ബാല്യകാലസുഹൃത്തുക്കളായിരുന്ന ഇരുവരുടെയും വിവാഹം 2015-ലായിരുന്നു. അടുത്ത ബന്ധുക്കളും സുഹൃത്തുക്കളും മാത്രം പങ്കെടുത്ത സ്വകാര്യ ചടങ്ങിലായിരുന്നു വിവാഹം.

മലയാളത്തിലും ഹിന്ദിയിലും ബംഗാളിയിലും ഉള്‍പ്പെടെ നൂറ് കണക്കിന് ഗാനങ്ങള്‍ ആലപിച്ചിട്ടുള്ള ശ്രേയ ഘോഷാല്‍ ഇന്ത്യ മുഴുവന്‍ ആരാധകരുള്ള ഗായികയാണ്. തെന്നിന്ത്യയിലെ എല്ലാ ഭാഷകളിലും ശ്രേയ ഗാനങ്ങള്‍ ആലപിച്ചിട്ടുണ്ട്. മികച്ച പിന്നണി ഗായികയ്ക്കുള്ള ദേശീയ പുരസ്‌കാരം നാലു തവണ ശ്രേയയെ തേടിയെത്തി. മലയാളത്തിലും നിരവധി സംഗീതപുരസ്‌കാരങ്ങള്‍ ശ്രേയയ്ക്ക് ലഭിച്ചിട്ടുണ്ട്.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

Kuruva sangham:കുറുവ സംഘം തിരുട്ടുഗ്രാമത്തിലേക്ക് മടങ്ങി? വേലൻ, പശുപതി, കേരളത്തിലെത്തിയ രണ്ടുപേരെ കൂടി പോലീസ് തിരിച്ചറിഞ്ഞു

ആലപ്പുഴ: സംസ്ഥാനത്ത് ഭീതി പടർത്തിയ കുറുവ സംഘത്തിലെ ഒരാൾ പിടിയിലായതിന് പിന്നാലെ കൂടുതൽ പേരെ തിരിച്ചറിഞ്ഞ് പോലീസ്. അറസ്റ്റിലായ സന്തോഷ് സെൽവത്തിന്‍റെ കൂട്ടാളികളായ വേലനെയും പശുപതിയെയുമാണ് തിരിച്ചറിഞ്ഞത്. അതേസമയം മോഷണത്തിന് ശേഷം ഇവർ...

തിരുപ്പതിയിൽ അഹിന്ദുക്കളായ ജീവനക്കാർ വേണ്ടെന്ന് തീരുമാനം; 300 ഓളം ജീവനക്കാർക്ക് മുന്നിൽ ഇനിയുള്ളത് രണ്ട് വഴികള്‍

തിരുപ്പതി: തിരുപ്പതി വെങ്കിടേശ്വര ക്ഷേത്രത്തിൽനിന്ന് അഹിന്ദുക്കളായ ജീവനക്കാരെ ഒഴിവാക്കാൻ ക്ഷേത്രഭരണസമിതിയായ തിരുമല തിരുപ്പതി ദേവസ്ഥാനത്തിൻ്റെ (ടിടിഡി) തീരുമാനം. ഈ മാസം ചുമതലയേറ്റ ബിആർ നായിഡു ചെയർമാനായ ടിടിഡിയുടെ പുതിയ ഭരണസമിതിയുടേതാണ് തീരുമാനം. തിങ്കളാഴ്ച...

വാട്സ്ആപ്പിലൂടെ വിദ്യാര്‍ഥിനിയെ ലൈംഗിക ബന്ധത്തിന് പ്രേരിപ്പിച്ച കുവൈറ്റ് അധ്യാപകന് അഞ്ച് വര്‍ഷം തടവ്

കുവൈറ്റ് സിറ്റി: വാട്സ്ആപ്പ് വഴി വിദ്യാര്‍ഥിനിക്ക് അശ്ലീല സന്ദേശങ്ങളും ചിത്രങ്ങളും അയച്ച് ലൈംഗിക ബന്ധത്തിന് പ്രേരിപ്പിച്ച കേസില്‍ കുവൈറ്റ് അധ്യാപകന് അഞ്ച് വര്‍ഷം തടവ് ശിക്ഷ വിധിച്ച് കുവൈറ്റ് കോടതി. സോഷ്യല്‍ മീഡിയ...

Vijayalakshmi murder: ‘രാത്രി ഒരുമണിയോടെ വിജയലക്ഷ്‌മി മറ്റൊരാളുമായി ഫോണിൽ സംസാരിച്ചു’; തർക്കത്തിനിടെ പിടിച്ചുതള്ളി, വെട്ടിക്കൊന്നു, ജയചന്ദ്രനുമായി യുവതിക്ക് സാമ്പത്തിക ഇടപാടുകളും

ആലപ്പുഴ:കരുനാഗപ്പിള്ളി സ്വദേശിനി വിജയലക്ഷ്‌മിയുടെ കൊലപാതകത്തിലേക്ക് നയിച്ചത് കാമുകൻ ജയചന്ദ്രൻ്റെ സംശയം. മറ്റൊരാളുമായി വിജയലക്ഷ്മിക്ക് ബന്ധമുണ്ടെന്ന് അറിഞ്ഞതാണ് ക്രൂരമായ ഈ കൊലപാതകത്തിന് കാരണമായത്. ഇടുക്കി സ്വദേശിയാണ് വിജയലക്ഷ്മിയെ വിവാഹം ചെയ്തത്. ഈ വിവാഹത്തിൽ കുട്ടികളുമുണ്ട്. ബന്ധം...

സീപ്ലെയിൻ മുല്ലപ്പെരിയാറിലേക്കും? ടിക്കറ്റ് നിരക്ക് കുറയും, സർവീസിന് മൂന്ന് വൻകിട കമ്പനികൾ

കൊച്ചി: കേരളത്തിന്‍റെ ടൂറിസം രംഗത്ത് വിപ്ലവകരമായ മാറ്റത്തിന് സാധ്യതയുള്ള സീപ്ലെയിൻ സർവീസിന് താൽപ്പര്യം അറിയിച്ച് വൻകിട കമ്പനികൾ രംഗത്ത്. സ്പൈസ് ജെറ്റ് ഉൾപ്പെടെയുള്ള വ്യോമയാന കമ്പനികളാണ് സർക്കാരിനെ സമീപിച്ചത്. മാട്ടുപ്പെട്ടി ഡാമിലേക്കുള്ള പരീക്ഷണ...

Popular this week

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.