തിരുവനന്തപുരം: പോലീസ് തലപ്പത്ത് വന്‍ അഴിച്ചുപണി. എസ്. ശ്രീജിത്തിനെ ക്രൈംബ്രാഞ്ച് മേധാവിയാക്കി. ആര്‍. ശ്രീലേഖ വിരമിച്ച ഒഴിവില്‍ ബി. സന്ധ്യ ഫയര്‍ഫോഴ്സ് മേധാവിയായി. ഫയര്‍ ആന്‍ഡ് റസ്ക്യു സര്‍വീസസ് ഡയറക്ടര്‍ ജനറലായാണ് നിയമനം.
വിജയ്സാഖറെയെ ക്രമസമാധാന ചുമതലയുള്ള എഡിജിപിയായി നിയമിച്ചു. ഡിജിപി റാങ്കിലേക്ക് ഉയര്‍ന്ന സുദേഷ്കുമാറിനെ വിജിലന്‍സ് മേധാവിയായും നിയമിച്ചു.എഡിജിപി അനില്‍കാന്ത് ആണ് റോഡ് സുരക്ഷാ കമ്മീഷണര്‍.
സി.എച്ച്‌ നാഗരാജ് കൊച്ചി കമ്മീഷണറായപ്പോള്‍ ആര്‍. ഇളങ്കോ കണ്ണൂര്‍ കമ്മീഷണറായി. എ. അക്ബറിനെ തൃശൂര്‍ റേഞ്ച് ഡിഐജിയായി നിയമിക്കാന്‍ സര്‍ക്കാര്‍ തീരുമാനിച്ചു. ബെവ്കോ എംഡി സ്ഥാനത്തുനിന്നും സ്പര്‍ജന്‍കുമാര്‍ തെറിച്ചു. യോഗേഷ് ഗുപ്തയാണ് പുതിയ ബെവ്കോ എംഡി.
