തിരുവനന്തപുരം:പട്ടികജാതി വികസന വകുപ്പിന് കീഴില് തിരുവനന്തപുരം വെള്ളായണിയില് പ്രവര്ത്തിക്കുന്ന ശ്രീ അയ്യങ്കാളി മെമ്മോറിയല് ഗവ.മോഡല് റസിഡന്ഷ്യല് സ്പോര്ട്സ് സ്കൂളില് 2024-25 അദ്ധ്യയന വര്ഷം 5, 11 ക്ലാസ്സുകളിലെ പ്രവേശനം (എസ്.സി, എസ്.ടി വിഭാഗത്തിലുള്ളവര്ക്ക് മാത്രം) നടത്തുന്നതിന്റെ ഭാഗമായി ജനുവരി 29 മുതല് ഫെബ്രുവരി 29 വരെ സെലക്ഷന് ട്രയല് സംഘടിപ്പിക്കുന്നു. ഫെബ്രുവരി ആറിന് രാവിലെ എട്ടിന് തേവര സേക്രഡ് ഹാര്ട്ട് കോളജിലാണ് സെലക്ഷന് ട്രയല്.
നിലവില് 4, 10 ക്ലാസ്സുകളില് പഠിക്കുന്ന കുട്ടികള് സ്കൂള് മേധാവിയുടെ കത്ത്, ഒരു ഫോട്ടോ, ജാതി സര്ട്ടിഫിക്കറ്റ്, ജനന സര്ട്ടിഫിക്കറ്റ് എന്നിവയുടെ പകര്പ്പുകള് (ലഭ്യമാണെങ്കില്) സഹിതം നിശ്ചിത സമയത്ത് എത്തിച്ചേരേണ്ടതാണ്.
അഞ്ചാം ക്ലാസ്സിലേക്കുള്ള പ്രവേശനം ഫിസിക്കല് ടെസ്റ്റിന്റെ അടിസ്ഥാനത്തിലും, പതിനൊന്നാം ക്ലാസിലെ പ്രവേശനം ജില്ലാതല, സംസ്ഥാനതല കായിക മത്സരങ്ങളില് പങ്കെടുത്ത സര്ട്ടിഫിക്കറ്റിന്റെയോ സബ് ജില്ലാ തലത്തിലെ മെഡല് ലഭിച്ചതിന്റെയോ അടിസ്ഥാനത്തിലും സ്കില് ടെസ്റ്റിന്റെ അടിസ്ഥാനത്തിലുമാണ് നടത്തുന്നത്.
പങ്കെടുക്കുന്ന വിദ്യാര്ത്ഥികള്ക്ക് യാത്രാബത്ത അനുവദിക്കുന്നതാണ്. ആണ്കുട്ടികള്ക്കും, പെണ്കുട്ടികള്ക്കും പ്രത്യേകം ഹോസ്റ്റല് സൗകര്യമുണ്ട്. സായ്, സ്പോര്ട്സ് കൗൺസില് മുതലായ സ്ഥാപനങ്ങളുടെ പങ്കാളിത്തത്തോടെയുള്ള ഉയര്ന്ന നിലവാരത്തിലുള്ള കായിക പരിശീലന സൗകര്യമുണ്ട്.
തലസ്ഥാനത്തെ മികച്ച സ്കൂളുകളിലേക്കുള്ള എല്ലാവിധ സൗകര്യങ്ങളും ശ്രീ. അയ്യങ്കാളി മെമ്മോറിയല് ഗവ. മോഡല് റസിഡന്ഷ്യല് സ്പോര്ട്സ് സ്കൂളില് ലഭ്യമാണ്.കൂടുതല് വിവരങ്ങള്ക്ക് ശ്രീ. അയ്യങ്കാളി മെമ്മോറിയല് ഗവ. മോഡല് റസിഡന്ഷ്യല് സ്പോര്ട്സ് സ്കൂളുമായി ബന്ധപ്പെടേണ്ടതാണ്. ഫോണ് 0471 2381601, 7012831236.