തൃശൂര്: വെള്ളാനിക്കര സര്വീസ് സഹകരണ ബാങ്കില് സെക്യൂരിറ്റി ജീവനക്കാര് മരിച്ച നിലയില്. കാര്ഷിക സര്വകലാശാല ക്യാമ്പസിനകത്ത് പ്രവര്ത്തിക്കുന്ന ബാങ്കിലെ രണ്ട് സെക്യൂരിറ്റി ജീവനക്കാരെയാണ് മരിച്ച നിലയില് കണ്ടെത്തിയത്. വെള്ളാനിക്കര സ്വദേശികളായ അരവിന്ദാക്ഷന്, ആന്റണി എന്നിവരാണ് മരിച്ചത്.
ആന്റണിയെ കൊലപ്പെടുത്തി അരവിന്ദാക്ഷന് ജീവനൊടുക്കിയതാണെന്നാണ് പ്രാഥമിക വിവരം. ആന്റണിയെ മര്ദ്ദനമേറ്റ് മരിച്ച നിലയിലാണ് കണ്ടെത്തിയത്. ഇരുവരും തമ്മില് ജോലി സംബന്ധമായ തര്ക്കമുണ്ടായിരുന്നുവെന്നാണ് വിവരം. പൊലീസ് എത്തി പരിശോധന നടത്തുകയാണ്.
(ജീവിതത്തിലെ വിഷമസന്ധികള്ക്ക് ആത്മഹത്യയല്ല പരിഹാരം. സമ്മര്ദ്ദങ്ങള് അതിജീവിക്കാന് സാധിച്ചേക്കില്ലെന്ന ആശങ്കയുണ്ടാകുമ്പോള് മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. 1056 എന്ന നമ്പറില് വിളിക്കൂ, ആശങ്കകള് പങ്കുവെയ്ക്കൂ)