Sanju Samson🎙️ രണ്ടാം പന്തിൽ ഡക്ക്; സഞ്ജു വീണ്ടും നിരാശപ്പെടുത്തി

സെഞ്ചൂറിയന്‍: ഇന്ത്യ-ദക്ഷിണാഫ്രിക്ക ട്വന്റി 20 പരമ്പരയിലെ മൂന്നാംമത്സരത്തിലും ടോസിന്റെ ഭാഗ്യം ദക്ഷിണാഫ്രിക്കയ്ക്ക്. ടോസ് നേടിയ ദക്ഷിണാഫ്രിക്ക ഇന്ത്യയെ ബാറ്റിങ്ങിനയച്ചു. ഇന്ത്യൻ ടീമിൽ ഒരു മാറ്റമുണ്ട്. ഇന്ത്യയ്ക്കായി രമൺദീപ് സിങ് അരങ്ങേറ്റം കുറിക്കും. അവേഷ് ഖാന് പകരമാണ് അദ്ദേഹം പ്ലെയിങ് ഇലവനിൽ ഇടംപിടിച്ചത്.

ആദ്യമത്സരത്തില്‍ 61 റണ്‍സിന്റെ ആധികാരികജയത്തോടെ മേല്‍ക്കൈനേടിയ ഇന്ത്യ രണ്ടാംമത്സരത്തില്‍ മൂന്നുവിക്കറ്റിന് തോറ്റതോടെ പരമ്പര തുല്യശക്തികളുടെ പോരാട്ടമായിമാറിക്കഴിഞ്ഞു. ആദ്യമത്സരത്തില്‍ ഇന്ത്യ ജയിച്ചത് ബാറ്റിങ് കരുത്തിലായിരുന്നെങ്കില്‍ രണ്ടാംമത്സരത്തില്‍ തോറ്റതും ബാറ്റിങ്ങിലെ പോരായ്മകൊണ്ടാണ്

ആദ്യമത്സരത്തില്‍ സെഞ്ചുറിനേടിയ മലയാളി ഓപ്പണര്‍ സഞ്ജു സാംസണ്‍ അടുത്തമത്സരത്തില്‍ പൂജ്യത്തിന് പുറത്തായി. മറ്റൊരു ഓപ്പണര്‍ അഭിഷേക് ശര്‍മ, ക്യാപ്റ്റന്‍ സൂര്യകുമാര്‍ യാദവ് എന്നിവരും പെട്ടെന്ന് മടങ്ങിയതോടെ ഇന്ത്യ പ്രതിസന്ധിയിലായിരുന്നു.

വരുണ്‍ ചക്രവര്‍ത്തി, രവി ബിഷ്‌ണോയ് എന്നീ സ്പിന്നര്‍മാര്‍ ആദ്യരണ്ടുമത്സരങ്ങളിലും മികച്ച ബൗളിങ് കാഴ്ചവെച്ചു. കഴിഞ്ഞമത്സരത്തില്‍ 17 റണ്‍സിന് അഞ്ചുവിക്കറ്റ് നേടിയ വരുണ്‍ ഒരുഘട്ടത്തില്‍ കളി ഇന്ത്യക്കനുകൂലമാക്കിയെങ്കിലും അത് വിജയത്തിലെത്തിക്കാന്‍ മറ്റുബൗളര്‍മാര്‍ക്ക് കഴിഞ്ഞില്ല.