പ്രമുഖ അവതാരക രഞ്ജിനി ഹരിദാസ് തന്റെ ആരോഗ്യത്തെക്കുറിച്ചും ജീവിതശൈലിയെക്കുറിച്ചും പങ്കുവെച്ച പുതിയ വിശേഷങ്ങൾ സോഷ്യൽ മീഡിയയിൽ ശ്രദ്ധനേടുന്നു. ഇരുപതുകളിൽ താൻ നേരിട്ട ഗുരുതരമായ ആരോഗ്യപ്രശ്നത്തെക്കുറിച്ചും ശസ്ത്രക്രിയയുടെ വക്കിൽ നിന്നും ആയുർവേദ ചികിത്സയിലൂടെ എങ്ങനെ ജീവിതം തിരിച്ചുപിടിച്ചു എന്നതിനെക്കുറിച്ചുമാണ് രഞ്ജിനി തന്റെ പുതിയ വ്ലോഗിലൂടെ വെളിപ്പെടുത്തുന്നത്.
2003-2004 കാലഘട്ടത്തിൽ ബംഗളൂരുവിൽ കോൾ സെന്ററിൽ ജോലി ചെയ്തിരുന്ന സമയത്താണ് പ്രശ്നങ്ങളുടെ തുടക്കം. ഉറക്കമില്ലാത്ത രാത്രികളും അമിതമായ ചായ കുടിയും നിറഞ്ഞ അനാരോഗ്യകരമായ ദിനചര്യയായിരുന്നു അന്ന്. കേവലം 22 വയസ്സുള്ളപ്പോൾ ശരീരത്തിന്റെ ഒരു ഭാഗത്ത് അനുഭവപ്പെട്ട തരിപ്പാണ് ആദ്യ ലക്ഷണം. എം.ആർ.ഐ സ്കാനിംഗിലൂടെ എന്തോ മാരകമായ അസുഖമാണെന്ന് അന്ന് ഭയപ്പെട്ടിരുന്നെങ്കിലും മരുന്നുകളിലൂടെ താൽക്കാലിക ആശ്വാസം ലഭിച്ചു.
വർഷങ്ങൾക്ക് ശേഷം കരിയറിൽ തിളങ്ങി നിൽക്കുന്ന സമയത്താണ് ഒരു വാഹനാപകടം സംഭവിക്കുന്നത്. കാർ കുഴിയിൽ ചാടിയപ്പോൾ തലയിടിക്കുകയും അതിനുശേഷം അസഹനീയമായ വേദനയും ഉറക്കമില്ലായ്മയും രഞ്ജിനിയെ വേട്ടയാടി. പരിശോധനയിൽ ഡിസ്ക് സംബന്ധമായ ഗുരുതര പ്രശ്നമാണെന്നും ശസ്ത്രക്രിയ അനിവാര്യമാണെന്നും ഡോക്ടർമാർ നിർദ്ദേശിച്ചു. കരിയറിലെ തിരക്കേറിയ സമയമായതിനാൽ എത്രയും വേഗം അസുഖം ഭേദമാക്കാൻ സർജറിക്ക് തയ്യാറെടുത്ത് ആശുപത്രിയിൽ ബെഡ് വരെ ബുക്ക് ചെയ്തിരുന്നു.
ശസ്ത്രക്രിയയ്ക്ക് തൊട്ടുമുൻപ് സുഹൃത്ത് വഴി ലഭിച്ച നിർദ്ദേശമാണ് രഞ്ജിനിയെ ആയുർവേദത്തിലേക്ക് എത്തിച്ചത്. ഡോക്ടർ സുരേഷിന്റെ കീഴിലുള്ള ചികിത്സയിലൂടെ ഓപ്പറേഷൻ ഇല്ലാതെ തന്നെ ആ വലിയ വേദനയ്ക്ക് പരിഹാരമായി.
“അതൊരു മാജിക് തന്നെയായിരുന്നു. അന്ന് മുതൽ എന്റെ ജീവിതത്തിന്റെ അവിഭാജ്യ ഘടകമാണ് ആയുർവേദം,” രഞ്ജിനി പറയുന്നു.
നിലവിൽ പെരിമെനോപോസ് ഘട്ടത്തിലൂടെ കടന്നുപോകുന്ന തനിക്ക് ആയുർവേദ ചികിത്സകൾ നൽകുന്ന ആശ്വാസം ചെറുതല്ലെന്നും, ഇരുപതുകളിൽ തുടങ്ങിയ ആ വിശ്വാസം ഇന്നും തുടരുന്നുവെന്നും താരം കൂട്ടിച്ചേർത്തു. ആരോഗ്യകരമായ ജീവിതശൈലിയുടെ പ്രാധാന്യത്തെക്കുറിച്ചും കൃത്യമായ ചികിത്സ തിരഞ്ഞെടുക്കുന്നതിനെക്കുറിച്ചും തന്റെ ആരാധകർക്ക് പ്രചോദനം നൽകുന്നതാണ് രഞ്ജിനിയുടെ ഈ വെളിപ്പെടുത്തൽ.
Popular TV host Ranjini Haridas reveals her battle with depression and a past suicidal phase that nearly changed her life. She shared that an unexpected phone call from a friend stopped her from taking a drastic step after she had even booked a hospital bed. Ranjini emphasizes the importance of mental health awareness and seeking support during difficult times.