കണ്ണൂര്: കനത്ത മഴ തുടരുന്ന സാഹചര്യത്തില് കണ്ണൂര്, കാസര്കോട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ച് ജില്ലാകളക്ടര്. ജില്ലയിലെ അങ്കണവാടികള്, മദ്രസകള്, ട്യൂഷന് സെന്ററുകള്, സ്പെഷ്യല് ക്ലാസുകള് എന്നിവ നാളെ അവധിയായിരിക്കും. ജില്ലയില് റെഡ് അലര്ട്ട് ആണ് പ്രഖ്യാപിച്ചിരിക്കുന്നത്. നിലവില് ഈ ജില്ലകളില് കനത്തമഴ തുടരുകയാണ്.
ജില്ലയില് നാളെ പ്രഫഷനല് കോളജുകള്ക്ക് അടക്കം അവധി പ്രഖ്യാപിച്ചിട്ടുണ്ട്. മഴ അതിശക്തമായി തുടരുന്ന സാഹചര്യത്തില് മുന്കരുതല് എന്ന നിലയിലാണ് പ്രഫഷനല് കോളേജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്, ട്യൂഷന് സെന്ററുകള്, സ്പെഷല് ക്ലാസുകള്, അങ്കണവാടികള്, മദ്രസകള് തുടങ്ങിയവയ്ക്ക് നാളെ ജില്ലാ കലക്ടര് കെ. ഇമ്പശേഖര് ഐഎഎസ് അവധി പ്രഖ്യാപിച്ചു.
റെഡ് അലര്ട്ട് പ്രഖ്യാപിച്ച സാഹചര്യത്തില് ജില്ലയില് ക്വാറികള് മേയ് 29, 30 തീയതികളില് പ്രവര്ത്തിക്കുവാന് പാടില്ല. ഈ ദിവസങ്ങളില് റാണിപുരം ഉള്പ്പെടെയുള്ള വിനോദസഞ്ചാര കേന്ദ്രങ്ങള് അടച്ചിടും. ബീച്ചുകളിലേക്കും വിനോദസഞ്ചാരികള്ക്കു പ്രവേശനം അനുവദിക്കുന്നതല്ല. മലയോരങ്ങളിലേക്കുള്ള രാത്രികാല യാത്രകള് ഒഴിവാക്കേണ്ടതാണ്.