സ്വകാര്യ ബസ് തലകീഴായി മറിഞ്ഞു; നാൽപതോളം പേർക്ക് പരിക്ക്, മൂന്ന് പേരുടെ നില ഗുരുതരം

കോട്ടയം: തലയോലപ്പറമ്പിൽ അമിത വേഗതയിലെത്തിയ സ്വകാര്യ ബസ് മറിഞ്ഞ് അപകടം. നാൽപതോളം പേർക്ക് പരിക്കേറ്റു. ഇതിൽ മൂന്ന് പേരുടെ നില ഗുരുതരമാണ്. എറണാകുളം- പാലാ- ഈരാറ്റുപേട്ട റൂട്ടിൽ സർവീസ് നടത്തുന്ന ആവേ മരിയ എന്ന ബസാണ് അപകടത്തിൽപ്പെട്ടത്.

ശനിയാഴ്ച വൈകിട്ട് 7.15 ഓടെയായിരുന്നു അപകടം. കോട്ടയം-എറണാകുളം റോഡിൽ തലയോലപ്പറമ്പിനടുത്ത് വെട്ടിക്കാട്ടുമുക്ക് ഗുരുമന്ദിരം ജങ്ഷനിൽ വളവു വീശി എടുക്കുന്നതിനിടെ നിയന്ത്രണംവിട്ട് ബസ് തലകീഴായി മറിയുകയായിരുന്നു.