സൈക്കിള്‍ യാത്രക്കാരനെ ഇടിച്ചുകൊന്ന ബുള്ളറ്റ് കണ്ടെത്താന്‍ സഹായമഭ്യര്‍ത്ഥിച്ച് പോലീസ്

തിരുവനന്തപുരം: സൈക്കിള്‍ യാത്രക്കാരനെ ഇടിച്ചു കൊന്ന ബുള്ളറ്റ് തേടി പോലീസ്. ഇക്കഴിഞ്ഞ ജനുവരി 29ന് ഉച്ചയോടെ വലിയവേളി ഗ്രൗണ്ടിന് സമീപം സൈക്കിളില്‍ യാത്ര ചെയ്യുകയായിരുന്ന സെല്‍വം (59) എന്നയാള്‍ മരിച്ച സംഭവത്തിലാണ് വാഹനം തേടിയുള്ള പോലീസിന്റെ അന്വേഷണം.

ബുള്ളറ്റ് ഇടിച്ച് പരിക്കുപറ്റിയ സെല്‍വം ചികിത്സയിലിരിക്കെ മരണമടയുകയായിരുന്നു. അപകടത്തിനുശേഷം പരിക്കേറ്റയാളെ ആശുപത്രിയിലെത്തിക്കാതെ ബുള്ളറ്റുമായി കടന്നുകളഞ്ഞ ആളിന്റെ ചിത്രം പോലീസ് പുറത്തുവിട്ടു.

ഇയാളെയോ വാഹനത്തെയോ കുറിച്ച് എന്തെങ്കിലും വിവരം അറിയാവുന്നവര്‍ തുമ്പ സ്‌റ്റേഷനില്‍ അറിയിക്കണമെന്ന് പോലീസ് അറിയിച്ചു. നമ്പര്‍- 0471- 2563754, 9497947106, 9497980025.