ബൈക്കപകടത്തിൽ പൊലീസ് ഉദ്യോ​ഗസ്ഥന് ​ഗുരുതരപരിക്ക്; ഏറ്റുമാനൂർ ഉത്സവ ഡ്യൂട്ടി കഴിഞ്ഞ് മടങ്ങിയ മുണ്ടക്കയം സ്റ്റേഷനിലെ എസ് ഐ സുരേഷാണ് അപകടത്തിൽപ്പെട്ടത്

കോട്ടയം: മണർകാട് തലപ്പാടിയിൽ വാഹനാപകടത്തിൽ പൊലീസ് ഉദ്യോ​ഗസ്ഥന് ​ഗുരുതരമായിപരിക്കേറ്റു. മുണ്ടക്കയം പോലിസ് സ്റ്റേഷനിലെ എസ് ഐ സുരേഷിനാണ് അപകടത്തിൽ ഗുരുതര പരുക്കു പറ്റിയത്.

ഏറ്റുമാനൂർ ക്ഷേത്രത്തിലെ ഉത്സവത്തോടനുബന്ധിച്ച് രാവിലെ 6 മുതൽ വൈകുന്നേരം 4 വരെ തുടർച്ചയായി ട്രാഫിക് ഡ്യൂട്ടി ആയിരുന്നു.

ഡ്യൂട്ടി കഴിഞ്ഞ് ചങ്ങനാശ്ശേരിയിലെ വീട്ടിലേക്ക് മടങ്ങും വഴിയാണ് അപകടമുണ്ടായത്.അപകടശേഷം നാട്ടുകാർ ചേർന്നാണ് ഇദ്ദേഹത്തെ ഗുരുതര പരുക്കുകളോടെ കോട്ടയം മെഡിക്കൽ കോളേജിൽ എത്തിച്ചത്.