കൽപ്പറ്റ : പ്രകൃതിവിരുദ്ധ ലൈംഗിക പീഡനക്കേസിൽ 40 വർഷം കഠിന തടവിന് ശിക്ഷിച്ചു പോക്സോ കോടതി .കൽപ്പറ്റ പോക്സോ സ്പെഷ്യൽ കോടതിയാണ് ശിക്ഷ വിധിച്ചത്.15 വയസ്സുകാരനെ പീഡിപ്പിച്ച കേസിൽ അയൽവാസിയായ പ്രതി മൊയ്തുട്ടി 61 വയസ്സ് സൺ ഓഫ് അബ്ദുള്ള,തോട്ടൻ വീട്, തെങ്ങുംമുണ്ട, പടിഞ്ഞാറത്തറ എന്നയാൾക്ക് ഇന്ത്യൻ ശിക്ഷാനിയമം 377 പ്രകാരം 10 വർഷവും പോക്സോ നിയമത്തിലെ വിവിധ വകുപ് പ്രകാരം 30 വർഷം കഠിനതടവും 35000 രൂപ പിഴയും,പിഴ അടയ്ക്കാത്ത പക്ഷം 9 മാസം കൂടി അധിക കഠിന തടവ് അനുഭവിക്കണം.
കൽപ്പറ്റ പോക്സോ സ്പെഷ്യൽ കോടതി ജഡ്ജി അനസ് . വി ആണ് ശിക്ഷ വിധിച്ചത് .2020 ജനുവരി മാസം മുതൽ 2020 ഒക്ടോബർ മാസം വരെ പലദിവസങ്ങളായി പ്രതി പ്രകൃതിവിരുദ്ധ ലൈംഗിക പീഡനത്തിനു ഇരയാക്കിയത്. പടിഞ്ഞാറത്തറ പോലീസ് രജിസ്റ്റർ ചെയ്ത കേസിൽ എസ് ഐ . ഷമീർ പി അന്വേഷണം നടത്തി കുറ്റപത്രം സമർപ്പിച്ചു
പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടർ മോഹൻദാസ് ടി ജി ഹാജരായി കേസിൽ 17 സാക്ഷികളെ വിസ്തരിച്ചു 21രേഖകൾ ഹാജരാക്കി .പിഴ അടയ്ക്കാത്ത പക്ഷം 9 മാസം കൂടി അധിക കഠിനതടവ് പ്രതി അനുഭവിക്കണം.
