കൊച്ചിയില്‍ പ്ലസ് വൺ വിദ്യാർഥിനി കായലിൽ വീണെന്ന് സംശയം; തിരച്ചിൽ

കൊച്ചി: എറണാകുളം നെട്ടൂരിൽ പെൺകുട്ടി കായലിൽ വീണതായി സംശയം. പ്ലസ് വൺ വിദ്യാർഥിനിയായ ഫിദയെയാണ് കാണാതായത്. ഫയർ ഫോഴ്സും സ്കൂബാ ടീമും തിരച്ചിൽ ആരംഭിച്ചു.

രാവിലെ മാലിന്യം കളയാൻ പോയ വിദ്യാർഥിനി തിരികെയെത്താത്തതിനെ തുടർന്നാണ് കായലിൽ വീണതായി സംശയമുടലെടുത്തത്. നിലമ്പൂർ സ്വദേശികളായ ഫിദയും കുടുംബവും നാളുകളായി നെട്ടൂരാണ് താമസം. നാട്ടുകാരടക്കം ചെറുവള്ളങ്ങളിൽ തിരച്ചിൽ നടത്തുന്നുണ്ട്.