തിരുവനന്തപുരം: മലയാളി താരം സഞ്ജു സാംസണ് ഏകദിന ക്രിക്കറ്റില് ആദ്യമായി സെഞ്ചുറിയടിച്ചതില് അഭിനന്ദിച്ച് മുഖ്യമന്ത്രി പിണറായി വിജയന്. സഞ്ജുവിന്റെ നേട്ടം കേരളത്തിനാകെ അഭിമാനം പകരുന്നതാണ്. കരിയറില് കൂടുതല് ഉയരങ്ങള് കീഴടക്കാന് സഞ്ജുവിന് സാധിക്കട്ടെയെന്നും മുഖ്യമന്ത്രി ആശംസിച്ചു.
‘രാജ്യാന്തര ഏകദിന ക്രിക്കറ്റില് കന്നി സെഞ്ച്വറി നേടി രാജ്യത്തിന് വേണ്ടി മിന്നുന്ന പ്രകടനം കാഴ്ചവെച്ച സഞ്ജു സാംസണ് അഭിനന്ദനങ്ങള്. ആദ്യമായാണ് ഒരു മലയാളി താരം അന്താരാഷ്ട്ര ക്രിക്കറ്റില് ഇന്ത്യക്കുവേണ്ടി സെഞ്ച്വറി നേടുന്നത്. കേരളത്തിനാകെ അഭിമാനം പകരുന്ന നേട്ടമാണിത്. തന്റെ കരിയറില് കൂടുതല് ഉയരങ്ങള് കീഴടക്കാന് സഞ്ജുവിന് സാധിക്കട്ടെയെന്ന് ആശംസിക്കുന്നു’, മുഖ്യമന്ത്രി ഫെയ്സ്ബുക്കില് കുറിച്ചു.
സഞ്ജുവിന്റെ സെഞ്ചുറിയുടെ ബലത്തില് (114 പന്തില് 108) ദക്ഷിണാഫ്രിക്കയ്ക്കെതിരായ മൂന്നാം ഏകദിന മത്സരം ഇന്ത്യ ജയിച്ചിരുന്നു. 78 റണ്സിനായിരുന്നു ജയം. ഇതോടെ മൂന്ന് മത്സരങ്ങളടങ്ങിയ പരമ്പര 2-1 ന് ഇന്ത്യ സ്വന്തമാക്കി. മൂന്ന് സിക്സും ആറ് ഫോറും ഉള്പ്പെട്ട ഇന്നിങ്സായിരുന്നു സഞ്ജുവിന്റേത്.