കോഴിക്കോട്: കുറ്റ്യാടി നെട്ടൂരില്‍ പോലീസ് സംഘത്തിനു നേരെ ആക്രമണം നടത്തിയത് സി.പി.എം പ്രവര്‍ത്തകരെന്ന് പോലീസ്. ഞായറാഴ്ച രാത്രി വാറന്റ് പ്രതിയെ പിടികൂടാന്‍ പോയപ്പോഴാണ് പോലീസിനു നേരെ ആക്രമണം ഉണ്ടായത്.
ആക്രമണത്തില്‍ എസ്‌ഐ ഉള്‍പ്പെടെ നാല് പോലീസുകാര്‍ക്ക് പരിക്കേറ്റു. പോലീസ് ജീപ്പും അക്രമികള്‍ തകര്‍ത്തു. ആക്രമണത്തില്‍ ഗുരുതരമായി പരിക്കേറ്റ ഒരു പോലീസുകാരനെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
സിപിഎം പ്രവര്‍ത്തകനായ ആമ്പാത്ത് അശോകന്റെ നേതൃത്വത്തിലായിരുന്നു അക്രമണം. ബിജെപി പ്രവര്‍ത്തകനെ ആക്രമിച്ച കേസിലെ പ്രതിയാണ് അശോകന്‍. എസ്‌ഐ വിനീഷ്, സിവില്‍ പോലീസ് ഓഫീസര്‍മാരായ രജീഷ്, സബിന്‍, ഹോം ഗാര്‍ഡ് സണ്ണി കുര്യന്‍ എന്നിവര്‍ക്കാണ് പരിക്കേറ്റത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
