ACCIDENT🚒 മാവില്‍ കയറുന്നതിനിടെ നെഞ്ചുവേദന, അരയില്‍ കയര്‍ കെട്ടിയിരുന്നതിനാല്‍ മരത്തില്‍ തൂങ്ങിക്കിടന്നു; ഒടുവില്‍ ദാരുണാന്ത്യം

കൊച്ചി: മാങ്ങ പറിക്കാനായി മാവില്‍ കയറുന്നതിനിടെ നെഞ്ചുവേദന അനുഭവപ്പെട്ട് കുഴഞ്ഞുവീണു. സുരക്ഷയ്ക്കായി അരയില്‍ കയര്‍ കെട്ടിയിരുന്നതിനാല്‍ മരത്തില്‍ തന്നെ തൂങ്ങിക്കിടന്നു. അരൂക്കുറ്റി വട്ടച്ചിറ വീട്ടില്‍ ബാബു (66) വിനാണ് മരം കയറുന്നതിനിടെ നെഞ്ചുവേദന ഉണ്ടായത്.

താഴെ നിന്നവര്‍ ഉടനെ അഗ്നിരക്ഷാ സേനയെയും പോലീസിനെയും വിവരം അറിയിച്ചു. മട്ടാഞ്ചേരിയില്‍ നിന്ന് അഗ്നിരക്ഷാ സേനയെത്തി. വല ഉപയോഗിച്ച് ബാബുവിനെ താഴെ ഇറക്കുകയായിരുന്നു. എന്നാല്‍, ഇതിനുമുമ്പെ ബാബുവിന് മരണം സംഭവിച്ചിരുന്നു.

പോലീസും സ്ഥലത്ത് ഉണ്ടായിരുന്നു. ഇദ്ദേഹം ഹൃദ്രോഗത്തിന് ചികിത്സയില്‍ ആയിരുന്നെന്ന് ബന്ധുക്കള്‍ പറഞ്ഞു. റസിയയാണ് ഭാര്യ. മക്കള്‍: റിംഷാദ്, രസ്‌ന. മരുമക്കള്‍: ഷാബിയ, അനീഷ്.