കോഴിക്കോട്: ഓണത്തോടനുബന്ധിച്ച് കോളേജുകളിലും സ്കൂളുകളിലും വാഹനങ്ങള് ഉപയോഗിച്ചുള്ള ആഘോഷങ്ങള് നടത്തുന്നവര്ക്കെതിരെ കര്ശന നടപടികള് സ്വീകരിക്കുമെന്ന് കോഴിക്കോട് ഉത്തരമേഖലാ ഡെപ്യൂട്ടി ട്രാന്സ്പോര്ട്ട് കമ്മീഷണര് ആര്. രാജീവ് അറിയിച്ചു.
രൂപമാറ്റം വരുത്തിയ ബൈക്കുകള്, കാറുകള്, ജീപ്പുകള് എന്നീ വാഹനങ്ങള് ഉപയോഗിച്ച് റാലി, റേസ് എന്നിവ സംഘടിപ്പിക്കുന്ന വാഹനങ്ങള്ക്കും ഉടമകള്ക്കുമെതിരെ ശക്തമായ നടപടികള് സ്വീകരിക്കും. സ്കൂളുകളും കോളേജുകളും കേന്ദ്രീകരിച്ച് മിന്നല് പരിശോധനകള് നടത്തും.
രക്ഷിതാക്കളും അധ്യാപകരും ഇത്തരം പരിപാടികള് നടത്തുന്നതിനെതിരെ ജാഗ്രത പുലര്ത്തണമെന്നും നിയമ ലംഘനങ്ങള് ശ്രദ്ധയില് പെട്ടാല് അതാത് സ്ഥലത്തെ ഓഫീസുകളില് അറിയിച്ചാല് ഉടന് തന്നെ നടപടി സ്വീകരിക്കുന്നതാണെന്നും ഡെപ്യൂട്ടി ട്രാന്സ്പോര്ട്ട് കമ്മീഷണര് അറിയിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News