മലപ്പുറം: റോഡ് മുറിച്ചുകടക്കുന്നതിനിടെ വിദ്യാര്‍ഥി കാറിടിച്ച് മരിച്ചു. ഒമ്പത് വയസുകാരന് ജാസില്‍ ബാദുഷാണ് മരിച്ചത്. തിരൂരങ്ങാടി സ്വദേശിയായ ഇബ്രാഹീം ബാദുഷയുടെയും മഹ്‌റൂഫയുടെയും മകനാണ് ജാസില്‍. റോഡിന് എതിര്‍വശത്തുള്ള ബന്ധുവീട്ടില്‍നിന്ന് തിരിച്ചുവരുന്നതിനിടെയാണ് കുട്ടി അപകടത്തില്‍പ്പെട്ടത്.
ഇന്നലെ രാവിലെ പത്ത് മണിയോടെയാണ് അപകടം സംഭവിച്ചത്. ഉടന്‍ തിരൂരങ്ങാടി താലൂക്ക് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
കോട്ടക്കല്‍ ഫാറൂഖ് ഇംഗ്ലീഷ് മീഡിയം സ്‌കൂള്‍ മൂന്നാം ക്ലാസ് വിദ്യാര്‍ഥിയാണ് ജാസില്‍. മെഹ്‌സിന്‍ ബാദുഷ, ഐസിന്‍ ബാദുഷ എന്നിവരാണ് സഹോദരങ്ങള്‍. ഖബറടക്കം ഇന്ന് നടക്കും.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
