കല്പ്പറ്റ: ഉറങ്ങിക്കിടക്കവെ റിസോര്ട്ടിലെ ടെന്റ് തകര്ന്ന് വിനോദസഞ്ചാരിയായ യുവതി മരിച്ചു. നിലമ്പൂര് അകമ്പാടം സ്വദേശി നിഷ്മയാണ് ദാരുണമായി മരിച്ചത്. സംഭവത്തില് മൂന്നുപേര്ക്ക് പരിക്കേല്ക്കുകയും ചെയ്തു. മരത്തടികള് കൊണ്ട് നിര്മ്മിച്ച പുല്ലുമേഞ്ഞ ടെന്റാണ് തകര്ന്നുവീണത്. മഴ പെയ്ത് മേല്ക്കൂരയ്ക്ക് ഭാരം കൂടിയതാണ് അപകടകാരണമെന്നാണ് പ്രാഥമിക നിഗമനം.
മേപ്പാടി 900 കണ്ടിയിലാണ് സംഭവം. 900 വെഞ്ചേഴ്സ് എന്ന റിസോര്ട്ടില് നിര്മ്മിച്ചിരുന്ന ടെന്റ് ആണ് തകര്ന്ന് വീണത്. 900 വെഞ്ചേഴ്സിന്റെ ടെന്റ് ഗ്രാമിലാണ് അപകടം ഉണ്ടായത്. അവധിക്കാലം ആയതിനാല് നിരവധി പേരാണ് വയനാട്ടില് എത്തുന്നത്. റിസോര്ട്ടിന് ലൈസന്സ് ഉള്പ്പെടെ ഉണ്ടോയെന്ന് പരിശോധിച്ച് വരികയാണ്. പരിക്കേറ്റ മൂന്നുപേരും ആശുപത്രിയില് ചികിത്സയിലാണ്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News