കൊച്ചിയിൽ യുവനടിയെ ആക്രമിച്ച കേസും അതിനെ തുടർന്ന് നടക്കുന്ന സംഭവങ്ങളുമാണ് ഇപ്പോൾ സോഷ്യൽ മീഡിയയിൽ നിറഞ്ഞു നിൽക്കുന്നത്. കേസിൽ ദിലീപിനെ ചോദ്യം ചെയ്യാനുള്ള നീക്കവും പോലീസ് നടത്തുന്നു. ഈ ഒരവസരത്തിൽ ദിലീപിന്റെ പഴയ കാല അഭിമുഖങ്ങളും ദിലീപിനെക്കുറിച്ച് സഹപ്രവർത്തകർ പറയുന്ന കാര്യങ്ങൾ സോഷ്യൽ മീഡിയയിൽ വീണ്ടും ശ്രദ്ധ നേടുന്നുണ്ട്.
ഇപ്പോഴിതാ ദിലീപുമായി ബന്ധപ്പെട്ട നവ്യയുടെ ചില പഴയ അഭിമുഖങ്ങളാണ് ഇപ്പോൾ വീണ്ടും വൈറലാകുന്നത്. തുടക്ക കാലത്ത് സിനിമയുടെ സെറ്റില് വെച്ച് ഫോട്ടോ എടുക്കുന്ന സമയം ദിലീപ് തോളില് കൈ വെച്ചു. എന്നാൽ ആ സമയത്ത് തന്റെ വല്ലാതെ നെഞ്ചിടിച്ചു എന്ന് നവ്യ വെളിപ്പെടുത്തി. നവ്യയുടെ പേടി മനസ്സിലാക്കിയ ദിലീപ് മാറ്റിനിര്ത്തി നവ്യയെ ഉപദേശിച്ചു. അങ്ങനെ സുപ്പീരിയോരിറ്റി ഒന്നും തനിക്കില്ലെന്നും എന്നെ കണ്ടാല് പേടിക്കണ്ടെന്നുമായിരുന്നു ദിലീപ് പറഞ്ഞത്.
നമ്മള് ഒരേപോലുള്ള അഭിനേതാക്കളാണ്. നീ നായികയും ഞാന് നായകനുമാണ്. അപ്പോള് അതുപോലെ തന്നെ കാണണമെന്നും നവ്യയോട് ദിലീപ് പറഞ്ഞത്രേ. ഒരു ചേട്ടനെ പോലെ സ്നേഹത്തോടെ ആയിരുന്നു തന്നോടുള്ള ദിലീപിന്റെ ആ വാക്കുകള് എന്നാണ് നവ്യ വെളിപ്പെടുത്തിയിരിക്കുന്നത്. തന്റെ ആദ്യ നായകന് ദിലീപ് ആണെന്ന് പറയാന് നവ്യ ഒരിടത്തും മറക്കാറില്ല. ഇരുവരും ഒന്നിച്ച് അഭിനയിച്ച സിനിമകളെല്ലാം മലയാളത്തിലെ സൂപ്പര്ഹിറ്റുകളായിരുന്നു എന്നതാണ് ശ്രദ്ധേയമായ മറ്റൊരു കാര്യം .
‘മഴത്തുള്ളിക്കിലുക്കം”, ”കുഞ്ഞിക്കൂനന്”, ”കല്യാണരാമന്”, ”പാണ്ടിപ്പട”, ”ഗ്രാമഫോണ്”, ”പട്ടണത്തില് സുന്ദരന്” തുടങ്ങി നിരവധി സൂപ്പര്ഹിറ്റ് ചിത്രങ്ങളിൽ ഇവർ താരജോഡികളായി. ‘ഇഷ്ടം” എന്ന സിനിമയിലൂടെ ദിലീപിന്റെ നായികയായിട്ടാണ് നവ്യ നായര് മലയാളസിനിമയിലേക്ക് എത്തുന്നത്. ആ സമയം നവ്യ ഒരു സ്കൂള് വിദ്യാര്ഥിനിയായിരുന്നു. കൊച്ചിയില് നടിയെ ആക്രമിച്ച കേസില് ദിലീപിനെ കുറിച്ചുള്ള വാര്ത്തകള് സോഷ്യല് മീഡിയയില് ചർച്ചയാകുന്നതിനിടയിലാണ് നവ്യയുടെ പഴയ അഭിമുഖം വളരെയധികം ശ്രദ്ധേയമാകുന്നത് .