കോട്ടയത്ത്: പാമ്പാടി കോത്തലയില്‍ നിന്നും കാണാതായ പെൺകുട്ടികളെ കണ്ടെത്തി.16 ഉം 17 ഉം വയസ് പ്രായമുള്ള സഹോദരിമാരായ ഇവരെ തിരുവനന്തപുരത്തുനിന്നുമാണ് കണ്ടെത്തിയത്.സംഭവത്തിൽ അന്വേഷണം നടത്തുന്ന പാമ്പാടിയിൽ നിന്നുള്ള പോലീസ് സംഘം തിരുവനന്തപുരത്തേക്ക്
യാത്ര തിരിച്ചു.
കോത്തല ഇല്ലിക്കമലയില്‍ സുരേഷിന്റെ മക്കളായ അമൃത (17) അഖില (16) എന്നിവരെയാണ് കാണാതായത്.
കോട്ടയം ജില്ലയിലെ കൂരോപ്പട പഞ്ചായത്തിലെ പതിനൊന്നാം വാര്‍ഡിലാണ് സുരേഷിന്റെ കുടുംബത്തിന്റെ താമസം. പെണ്‍കുട്ടികളെ രാവിലെ വീട്ടില്‍ നിന്ന് കാണാതാവുകയായിരുന്നു. അമ്മ മഞ്ജു കോട്ടയം നഗരത്തിലെ ഒരു ടെക്സ്റ്റൈല്‍ ജീവനക്കാരിയാണ്. വെള്ളിയാഴ്ച കുട്ടികള്‍ക്ക് ക്ലാസ് ഇല്ലാതിരുന്നതിനാൽ വീട്ടില്‍ തന്നെയായിരുന്നു ഇരുവരും.ഉച്ചകഴിഞ്ഞ് കോട്ടയം റെയില്‍വേ സ്റ്റേഷന്‍ ഭാഗത്തും നാഗമ്പടം ബസ് സ്റ്റാന്റ് ഭാഗത്തുനിന്നുമുള്ള സിസിടിവിയില്‍ ഇവരുടെ ദൃശ്യങ്ങള്‍ പതിഞ്ഞിരുന്നു.
