ഏറ്റുമാനൂരിൽ അടഞ്ഞുകിടന്ന വീട് കുത്തിത്തുറന്ന് വൻ മോഷണം

കോട്ടയം:ഏറ്റുമാനൂരിൽ അടഞ്ഞുകിടന്ന വീട് കുത്തിത്തുറന്ന് വൻ മോഷണം.നാലു ലക്ഷം രൂപ കവർന്നു.പാറോലിക്കൽ – അതിരമ്പുഴ റെയിൽവേ ഗേറ്റ് റോഡിന് സമീപം ബാബു മൻസിലിൽ ഹഫീസിൻ്റെ വീട്ടിലാണ് കവർച്ച നടന്നത്.

ഹഫീസും,ഭാര്യയും എറണാകുളത്തുള്ള വീട്ടിൽ പോയ സമയത്താണ് മോഷണം.വെള്ളിയാഴ്ച വൈകുന്നേരം 4 മണിയോടുകൂടി എറണാകുളത്ത് പോയ ഇവർ ഇന്ന് വൈകുന്നേരം നാലു മണിയോടു കൂടി തിരികെ പാറോലിക്കലിലെ വീട്ടിലെത്തിയപ്പോഴാണ് മോഷണവിവരം അറിയുന്നത്.

വീടിൻ്റെ മുൻവശത്തെ കതക് കുത്തിത്തുറന്നു അകത്ത് കയറിയ മോഷ്ടാക്കൾ അലമാരയിൽ സൂക്ഷിച്ചിരുന്ന നാലുലക്ഷം രൂപ കവർന്നതായാണ് വീട്ടുകാർ പറയുന്നത്.ഏറ്റുമാനൂർ പോലീസ് സ്ഥലത്തെത്തി തുടർ നടപടികൾ സ്വീകരിച്ചു.