കൊച്ചി:അത്തം പിറന്നുതുമുതല് സോഷ്യല് മീഡിയയില് ഓണാഘോഷ പരിപാടികളുടെ ബഹളമാണ്. കസവ് സാരിയിലും പാവാടയിലു, ധാവണിയിലും എല്ലാം എത്തി പുതിയ പുതിയ സ്റ്റൈലുകള് പരിചയപ്പെടുത്തുന്നു. സെലിബ്രിറ്റി നായികമാരുടെ ഓണം ലുക്കും സോഷ്യല് മീഡിയയില് വൈറലാണ്. പിന്നെ മഞ്ജു വാര്യരായി കുറക്കേണ്ടതില്ലല്ലോ.
മഞ്ജുവിന്റെ ഓണം ലുക്കും സോഷ്യല് മീഡിയയില് വൈറലാവുന്നു. സമീറ സനീഷ് ഡിസൈന് ചെയ്ത ഓണം സ്പെഷ്യല് ഔട്ട് ഫിറ്റിലുള്ള ലുക്ക് മഞ്ജു തന്റെ ഇന്സ്റ്റഗ്രാം പേജിലൂടെ പങ്കുവച്ചു. പോസ് കൊടുത്ത് ഒരു വീഡിയോ എടുക്കാനായിരുന്നു ശ്രമം. എന്നാല് അതു പാളിപ്പോയി. കാറ്റില് മഞ്ജുവിന്റെ ഷാളും മുടിയും പാറിപ്പോയതോടെ, ഉദ്ദേശിച്ച വീഡിയോ കിട്ടിയില്ലെങ്കിലും ഒരു ക്യൂട്ട് വീഡിയോ കിട്ടിയിട്ടുണ്ട്.
ഒരു ഓണപ്പാട്ടിന്റെ മ്യൂസിക്കിനൊപ്പമാണ് വീഡിയോ. പകര്ത്തിയിരിക്കുന്നത് പതിവുപോലെ ബിനീഷ് ചന്ദ്ര തന്നെയാണ്. ഷാള് ഒതുക്കി വയ്ക്കാന് ശ്രമിയ്ക്കുന്ന മഞ്ജുവിന്റെ ശ്രമവും ആ ചിരിയും എല്ലാം ക്യൂട്ടാണ്.
സെലിബ്രിറ്റികളടക്കം നിരവധി പേര് ഈ വീഡിയോയ്ക്ക് താഴെയും കമന്റുകളുമായി എത്തിയിട്ടുണ്ട്. ‘എക്സ്ക്യൂസ് മി, ഏതു കോളേജിലാ പഠിയ്ക്കുന്നത്’, ‘കുട്ടിയുടെ കോളേജില് ഇന്നാണോ ഓണ പരിപാടി’ എന്നിങ്ങനെ പോകുന്നു കമന്റുകള്. സ്നേഹം പ്രകടിപ്പിച്ചുകൊണ്ടുള്ള ഇമോജികളാണ് കൂടുതലും. തമിഴ് ആരാധകരെയും കമന്റ് ബോക്സില് കാണാം.