മലപ്പുറം: മാറഞ്ചേരിയില്‍ പ്രഭാത സവാരിക്കിറങ്ങിയ യുവാവിനെ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തി. കരിങ്കല്ലത്താണി കാഞ്ഞിരമുക്ക് സ്വദേശി വാലിപ്പറമ്പില്‍ അമല്‍ (18) നെയാണ് മരിച്ച നിലയില്‍ കണ്ടെത്തിയത്.
കാഞ്ഞിരമുക്ക് കരിങ്കല്ലത്താണിക്ക് സമീപം റോഡരികില്‍ ഒരാള്‍ വീണു കിടക്കുന്നുവെന്ന് നാട്ടുകാര്‍ പെരുമ്പടപ്പ് പോലീസിനെ അറിയിക്കുകയായിരുന്നു. തുടര്‍ന്ന് പോലീസെത്തി പൊന്നാനി താലൂക്കാശുപത്രിയില്‍ പ്രവേശിപ്പിച്ചെങ്കിലും മരണം സംഭവിച്ചിരുന്നു.
പൊന്നാനി താലൂക്കാശുപത്രി മോര്‍ച്ചറിയില്‍ സൂക്ഷിച്ച മൃതദേഹം പോസ്റ്റുമോര്‍ട്ട നടപടിക്രമങ്ങള്‍ക്കു ശേഷം ബന്ധുക്കള്‍ക്ക് വിട്ടുനല്‍കും.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
