ഗുവാഹത്തി: കഞ്ചാവിന്റെ ലഹരി തലയ്ക്ക് പിടിച്ച യുവാവ് സ്വന്തം ജനനേന്ദ്രിയം മുറിച്ചുമാറ്റി. അസമിലാണ് നാടിനെ ഞെട്ടിച്ച സംഭവം. സോനിത് പൂര് സ്വദേശിയായ സഹജുല് അലിയാണ് സ്വന്തം ജനനേന്ദ്രിയം മുറിച്ചുമാറ്റിയത്. നല്ലത് വരുമെന്ന് പറഞ്ഞാണ് താന് ഇത്തരമൊരു സാഹസത്തിന് മുതിര്ന്നതെന്ന് സഹജുല് പറഞ്ഞതായി പ്രാദേശിക മാധ്യമങ്ങല് റിപ്പോര്ട്ട് ചെയ്യുന്നു.
സംഭവത്തെ തുടര്ന്ന് ഗുരുതാരാവസ്ഥയിലായ യുവാവിനെ ഇപ്പോള് ആശുപത്രിയില് പ്രവേശിപ്പിച്ചിരിക്കുകയാണ്. മേയ് 19ന് ആണ് സഹജല് ജനനേന്ദ്രിയം മുറിച്ചുമാറ്റിയത്. നേരത്തെ മാനസിക വിഭ്രാന്തിയെ തുടര്ന്ന് ഇയാള് സിംഹത്തിന്റെ കൂട്ടില് ഒരു രാത്രി കിടന്നുറങ്ങിയിട്ടുണ്ടെന്ന് പ്രാദേശിക മാധ്യമങ്ങളിലെ റിപ്പോര്ട്ടുകളില് നിന്ന് വ്യക്തമാക്കുന്നു. മറ്റുള്ള ലഹരി മരുന്നുകളും ഇയാള് ഉപയോഗിക്കുന്നുണ്ട്.
ഗുവാഹത്തി ടൈംസിന് നല്കിയ അഭിമുഖത്തില്, തന്റെ മതത്തില് കഞ്ചാവ് വലിക്കുന്നത് പാപമായാണ് കണക്കാക്കുന്നതെന്ന് അലി വിശദീകരിക്കുന്നു. ഇത്തരം ലഹരി മരുന്ന് കഴിക്കാതെ അലിക്ക് ജീവിക്കാന് കഴിയില്ല. കഞ്ചാവ് വലിക്കാന് എന്റെ മതം അനുവദിക്കുന്നില്ല. ഞാന് അത് പുകവലിച്ചതിനുശേഷം, സമൂഹത്തിന് എന്തെങ്കിലും മോശം സംഭവിക്കാന് പോകുന്നുവെന്ന് ഞാന് ആശങ്കാകുലനായിരുന്നു. കൂടുതല് നന്മയ്ക്കുവേണ്ടിയും എന്റെ പ്രവൃത്തിയില് പശ്ചാത്തപിക്കുന്നതിനുമായി ഞാന് എന്റെ ലിംഗം മുറിച്ചുമാറ്റുകയായിരുന്നെന്ന് അലി പറയുന്നു.
മാനസികാസ്വാസ്ഥ്യമുണ്ടെന്നും മതത്തെ ഭയന്നാണ് അലി ഇത്തരമൊരു വിചിത്രമായ കാര്യം ചെയ്തതെന്നും അലിയുടെ മകന് മാധ്യമങ്ങളോട് പറഞ്ഞു. 2003ല് ഒരിക്കല് സിംഹത്തോടൊപ്പം ഒരു രാത്രി ചിലവഴിച്ചത് ഉള്പ്പെടെ, നിരവധി വര്ഷങ്ങളായി അലിയുടെ അത്തരം വിചിത്രമായ രംഗങ്ങളില് ഏര്പ്പെട്ടിരുന്നുവെന്ന് അലിയുടെ സുഹൃത്ത് പറയുന്നു. അതേസമയം, ഫെബ്രുവരിയിലും തായ്ലന്ഡില് ഒരാള് കഞ്ചാവ് വലിച്ചതിന് ശേഷം തന്റെ ലിംഗം മുഴുവന് കത്രിക ഉപയോഗിച്ച് മുറിച്ചുമാറ്റി.