സെ​ക്ര​ട്ടേ​റി​യ​റ്റി​ൽ​ ​വ്യാ​ജ​ബോം​ബ് ​ഭീ​ഷ​ണി;ഒരാൾ കസ്റ്റഡിയിൽ

തി​രു​വ​ന​ന്ത​പു​രം​:​ ​സെ​ക്ര​ട്ടേ​റി​യ​റ്റി​ൽ​ ​ബോം​ബ് ​വ​ച്ചി​ട്ടു​ണ്ടെ​ന്ന് ​ഇ​ന്ന​ലെ​ ​രാ​ത്രി​ 10​ഓ​ടെ​ ​വ്യാ​ജ​സ​ന്ദേ​ശം.​ ​ക​ൺ​ട്രോ​ൾ​ ​റൂ​മി​ലേ​ക്ക് ​ഫോ​ൺ​ ​സ​ന്ദേ​ശ​മെ​ത്തി​യ​തോ​ടെ​ ​ഡോ​ഗ്‌​സ്‌​ക്വാ​ഡും​ ​ബോം​ബ് ​സ്‌​ക്വാ​ഡും​ ​സ്ഥ​ല​ത്തെ​ത്തി​ ​പ​രി​ശോ​ധ​ന​ ​ന​ട​ത്തി.​ ​മാ​റ​ന​ല്ലൂ​ർ​ ​ഭാ​ഗ​ത്ത് ​നി​ന്നാ​ണ് ​വി​ളി​യെ​ത്തി​യ​തെ​ന്ന് ​പ്രാ​ഥ​മി​ക​ ​പ​രി​ശോ​ധ​ന​യി​ൽ​ ​ബോ​ദ്ധ്യ​പ്പെ​ടു​ക​യും​ ​വി​ളി​ച്ച​യാ​ളെ​ ​പൊ​ലീ​സ് ​ക​സ്റ്റ​ഡി​യി​ലെ​ടു​ക്കു​ക​യും​ ​ചെ​യ്‌​തു.​ ​രാ​ത്രി​ ​വൈ​കി​യും​ ​പ​രി​ശോ​ധ​ന​ ​തു​ട​ർ​ന്നു.

സെ​ക്ര​ട്ടേ​റി​യ​റ്റി​ൽ​ ​ബോം​ബ്‌​വ​ച്ചി​ട്ടു​ണ്ടെ​ന്ന് ​ത​നി​ക്ക് ​വാ​ട്‌​സ്ആ​പ്പി​ൽ​ ​സ​ന്ദേ​ശ​മെ​ത്തി​യെ​ന്നാ​ണ് ​ഇ​യാ​ൾ​ ​അ​റി​യി​ച്ച​ത്.​ ​സ​ന്ദേ​ശം​ ​ത​ന്ന​യാ​ൾ​ ​വാ​ട്‌​സ്ആ​പ്പി​ൽ​ ​വി​ളി​ച്ചെ​ങ്കി​ലും​ ​എ​ടു​ക്കാ​ൻ​ ​ക​ഴി​ഞ്ഞി​ല്ലെ​ന്നും​ ​മി​നി​ട്ടു​ക​ൾ​ക്കു​ശേ​ഷം​ ​സ​ന്ദേ​ശം​ ​ഡി​ലീ​റ്റാ​ക്കി​യെ​ന്നു​മാ​ണ് ​ക​ൺ​ട്രോ​ൾ​ ​റൂ​മി​ലേ​ക്ക് ​വി​ളി​ച്ച് ​താ​ൻ​ ​പ​റ​ഞ്ഞ​തെ​ന്നു​മാ​ണ് ​ചോ​ദ്യം​ ​ചെ​യ്യ​ലി​ൽ​ ​ഇ​യാ​ൾ​ ​പൊ​ലീ​സി​നോ​ട് ​ വിശദീകരിച്ചത്. ​

​അ​റി​യാ​ത്ത​ ​ന​മ്പ​റി​ൽ​ ​നി​ന്ന് ​സ​ന്ദേ​ശ​മെ​ത്തി​യ​തോ​ടെ​യാ​ണ് ​ക​ൺ​ട്രോ​ൾ​ ​റൂ​മി​ൽ​ ​അ​റി​യി​ച്ച​തെ​ന്നും​ ​ഇ​യാ​ൾ​ ​പൊ​ലീ​സി​നോ​ട് ​വ്യ​ക്ത​മാ​ക്കി.​ ​പി​ടി​യി​ലാ​യ​ ​ആ​ൾ​ക്ക് ​മാ​ന​സി​ക​ ​അ​സ്വാ​സ്ഥ്യ​മു​ണ്ടെ​ന്ന് ​പൊ​ലീ​സ് ​പ​റ​ഞ്ഞു.​ ​ര​ണ്ടു​മ​ണി​ക്കൂ​ർ​ ​നേ​രം​ ​സെ​ക്ര​ട്ടേ​റി​യ​റ്റും​ ​പ​രി​സ​ര​വും​ ​പ​രി​ശോ​ധി​ച്ചെ​ങ്കി​ലും​ ​ഒ​ന്നും​ ​ക​ണ്ടെ​ത്താ​നാ​യി​ല്ലെ​ന്ന് ​ക​ന്റോ​ൺ​മെ​ന്റ് ​എ​സ്.​ഐ​ ​പ​റ​ഞ്ഞു.​ ​സം​ഭ​വ​ത്തി​ൽ​ ​പൊ​ലീ​സ് ​വി​ശ​ദ​മാ​യ​ ​അ​ന്വേ​ഷ​ണം​ ​തു​ട​ങ്ങി​യി​ട്ടു​ണ്ട്.