സഖാക്കൾക്ക് പണത്തോട് ആർത്തികൂടുന്നു,പലരും പാർട്ടിയിലേക്കുവരുന്നത് സാമ്പത്തികനേട്ടത്തിന്-MV ​ഗോവിന്ദൻ

തിരുവനന്തപുരം: സഖാക്കൾക്ക് പണത്തിനോട് ആർത്തി കൂടുന്നുവെന്ന് സിപിഎം സംസ്ഥാന സെക്രട്ടറി എം.വി. ​ഗോവിന്ദൻ. തിരുവനന്തപുരത്ത് ബ്രാ‍ഞ്ച് സെക്രട്ടറിമാർക്കുള്ള റിപ്പോർട്ടിങിലാണ് വിമർശനം. പലരും പാർട്ടിയിലേക്ക് വരുന്നത് സാമ്പത്തിക നേട്ടം ഉണ്ടാക്കാമെന്ന ലക്ഷ്യത്തോടെയാണെന്നും പാർട്ടി ആശയത്തോട് പിൻപറ്റിയുള്ള പ്രവർത്തനം ഇപ്പോൾ ഉണ്ടാകുന്നില്ലെന്നും അദ്ദേഹം പറഞ്ഞു.

ഇടതുപക്ഷത്തിനൊപ്പം ഉണ്ടായിരുന്ന ഈഴവ വോട്ടുകളും നായർ സമുദായത്തിലെ ഒരു വിഭാ​ഗം വോട്ടുകളും ലോക്സഭാ തിരഞ്ഞെടുപ്പിൽ ബിജെപിയിലേക്ക് പോയി. അത് സിപിഎമ്മിനെ വലിയതോതിലുള്ള പരാജയത്തിലേക്ക് തള്ളിവിട്ടു. അതിനാൽ വിശ്വാസവുമായി ബന്ധപ്പെട്ട കാര്യങ്ങളിൽ കൃത്യമായ സമീപനം സ്വീകരിക്കണമെന്ന അഭിപ്രായം റിപ്പോർട്ടിങിനിടെ ഉയർന്നു.