23 C
Kottayam
Wednesday, November 6, 2024
test1
test1

ലഖിംപുർ ഖേരി: കുറ്റപത്രത്തിൽ മന്ത്രിപുത്രൻ മുഖ്യപ്രതി; പ്രതിപ്പട്ടികയിൽ കേന്ദ്രമന്ത്രിയില്ല

Must read

ന്യൂഡൽഹി:ഉത്തർപ്രദേശിലെ ലഖിംപുർ ഖേരിയിൽ കർഷകരെ കാർകയറ്റി കൊലപ്പെടുത്തിയ സംഭവത്തിൽ കേന്ദ്ര ആഭ്യന്തര സഹമന്ത്രി അജയ് മിശ്രയുടെ മകൻ ആശിഷ് മിശ്ര മുഖ്യപ്രതി.

ആശിഷുൾപ്പെടെ 14 പേർക്കെതിരേ കൊലക്കുറ്റം ചുമത്തി പ്രത്യേകാന്വേഷണ സംഘം (എസ്.ഐ.ടി.) കുറ്റപത്രം നൽകി. 5000 പേജുള്ള ഇതിൽ പ്രതികൾക്കെതിരേ കൊലപാതകം, വധശ്രമം തുടങ്ങിയ കുറ്റങ്ങളും ചുമത്തിയതായി സീനിയർ പ്രോസിക്യൂട്ടിങ് ഓഫീസർ എസ്.പി. യാദവ് മാധ്യമങ്ങളോടു പറഞ്ഞു. അക്രമത്തിൽ കർഷകർ കുറ്റമാരോപിക്കുന്ന മന്ത്രി അജയ് മിശ്രയെ പ്രതിചേർത്തിട്ടില്ല.

ആശിഷ് ഉൾപ്പെടെ 13 പേർ ജയിലിലാണ്. അജയ് മിശ്രയുടെ ബന്ധു വീരേന്ദ്ര കുമാർ ശുക്ലയാണ് കുറ്റം ചുമത്തിയ പതിന്നാലാമൻ. തെളിവു നശിപ്പിച്ചെന്നതാണ് ഇയാളുടെ കുറ്റം. ബ്ലോക്ക് പ്രമുഖ് കൂടിയായ ഇയാളെ അറസ്റ്റു ചെയ്തിട്ടില്ലെങ്കിലും നോട്ടീസ് അയച്ചതായി പോലീസ് അറിയിച്ചു.

ആശിഷ് മിശ്രയുടെ ജാമ്യഹർജി ഹൈക്കോടതിയും മറ്റുള്ളവരുടേത് ലഖിംപുർ ഖേരി കോടതിയും പരിഗണിക്കാനിരിക്കേയാണ് കുറ്റപത്രമെത്തിയത്.

നാലു കർഷകരെയും പ്രാദേശികമാധ്യമപ്രവർത്തകനെയും കാർ കയറ്റി കൊന്ന സംഭവം ബോധപൂർവം നടത്തിയ ആസൂത്രിതപദ്ധതിയാണെന്ന് ഈയിടെ എസ്.ഐ.ടി. വിലയിരുത്തിയിരുന്നു. സുപ്രീംകോടതി നിയോഗിച്ച കമ്മിഷന്റെ മേൽനോട്ടത്തിലാണ് അന്വേഷണം. പഞ്ചാബ്-ഹരിയാണ ഹൈക്കോടതി മുൻജഡ്ജി ജസ്റ്റിസ് രാകേഷ് കുമാർ ജെയിനിനാണ് മേൽനോട്ടച്ചുമതല.

മന്ത്രി അജയ് മിശ്രയുടെ ഉടമസ്ഥതയിലുള്ളതാണ് ഒക്ടോബർ മൂന്നിന് കർഷകർക്കു നേരെ പാഞ്ഞുകയറിയ വാഹനം. സംഭവം നടക്കുമ്പോൾ മകൻ രണ്ടുകിലോമീറ്റർ അപ്പുറമുള്ള ഗുസ്തി മത്സരസ്ഥലത്തായിരുന്നെന്നാണ് അജയ് മിശ്രയുടെ വാദം. എന്നാൽ, വാഹനങ്ങളിലൊന്നിൽ ആശിഷ് മിശ്ര ഉണ്ടായിരുന്നതായി കർഷകർ മൊഴി നൽകി. കർഷകർക്കുനേരെ അജയ് മിശ്ര ഭീഷണി മുഴക്കിയിരുന്നെന്നും മന്ത്രിയുടെ അറിവോടെയാണ് ആക്രമണമെന്നുമാണ് കിസാൻ മോർച്ചയുടെ ആരോപണം.

ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group | Telegram Group | Google News

More articles

ട്രെയിനിൽ ബോംബ് ഭീഷണി മദ്യലഹരിയിൽ; ആളെ തിരിച്ചറിഞ്ഞു, പത്തനംതിട്ട സ്വദേശിയെന്ന് പൊലീസ്

തിരുവനന്തപുരം: പാലക്കാട് നിന്നും തിരുവനന്തപുരം പോകുന്ന ട്രെയിനുകളിൽ ബോംബ് വെച്ചെന്ന് ഭീഷണിപ്പെടുത്തിയയാളെ പൊലീസ് തിരിച്ചറിഞ്ഞു. ബോംബ് ഭീഷണി മുഴക്കിയത് മദ്യലഹരിയിൽ പത്തനംതിട്ട സ്വദേശിയാണെന്നും പൊലീസ് പറയുന്നു. പത്തനംതിട്ട കോയിപ്പുറം സ്വദേശി ഹരിലാൽ ആണ്....

ഗുജറാത്തിൽ ബുള്ളറ്റ് ട്രെയിൻ പദ്ധതിയുടെ ഭാ​ഗമായ പാലം തകർന്നു, ഒരാൾ മരിച്ചു

അഹമ്മദാബാദ്: ഗുജറാത്തിലെ ആനന്ദിൽ നിർമാണത്തിലിരുന്ന പാലം തകർന്നു. മുംബൈ-അഹമ്മദാബാദ് ബുള്ളറ്റ് ട്രെയിൻ പദ്ധതിയുടെ ഭാ​ഗമായ പാലമാണ് തകർന്നത്. ​അപകടത്തില്‍പ്പെട്ട മൂന്ന് തൊഴിലാളികളില്‍ ഒരാൾ മരിച്ചു. ആനന്ദ് പോലീസും ഫയർഫോഴ്സും ചേര്‍ന്നാണ് രക്ഷാപ്രവര്‍ത്തനം നടത്തിയത്.അപകടം...

ശബരിമല സീസണ്‍: ഇത്തവണ ഊണിന് 72 രൂപ നല്‍കണം,കഞ്ഞിയ്ക്ക് 35; കോട്ടയത്തെ ഭക്ഷണനിരക്ക് ഇങ്ങനെ

കോട്ടയം: ശബരിമല തീർഥാടനവുമായി ബന്ധപ്പെട്ട് മണ്ഡല മകരളവിളക്ക് കാലത്തേക്കു മാത്രമായി തീർഥാടകർക്കായി കോട്ടയം ജില്ലയിലെ ഹോട്ടലുകളിലെ വെജിറ്റേറിയൻ ഭക്ഷണസാധനങ്ങളുടെ വില നിർണയിച്ചു ജില്ലാ കളക്ടർ ജോൺ വി. സാമുവൽ ഉത്തരവായി. ഒക്‌ടോബർ 25ന്...

പരീക്ഷയെഴുതി സ്‌കൂളില്‍ നിന്ന് വീട്ടിലേക്ക് മടങ്ങുമ്പോൾ കാറപകടം; സൗദിയിൽ സ്കൂൾ വിദ്യാർഥി മരിച്ചു

റിയാദ്: സൗദി അറേബ്യയിലെ ജിദ്ദയിലുണ്ടായ കാറപകടത്തിൽ സൗദി സ്കൂൾ വിദ്യാർഥി മരിച്ചു. അല്‍സാമിര്‍ ഡിസ്ട്രിക്റ്റില്‍ അല്‍ഹുസൈന്‍ അല്‍സഹ്‌വാജി സ്ട്രീറ്റിലെ യൂടേണിന് സമീപമാണ് കാറുകൾ കൂട്ടിയിടിച്ചുണ്ടായ അപകടത്തിൽ സെക്കണ്ടറി സ്‌കൂള്‍ വിദ്യാര്‍ഥി മരിച്ചത്.ഫൈനൽ സെമസ്റ്റർ...

കളിച്ചുകൊണ്ടിരിക്കെ സ്കൂളിന്‍റെ ഇരുമ്പ് ഗേറ്റ് തകർന്നു ദേഹത്ത് വീണു, 6 വയസുകാരന് ദാരുണാന്ത്യം

ഹൈദരാബാദ്: സ്കൂളിൽ കളിച്ചുകൊണ്ടിരിക്കെ  ഇരുമ്പ് ഗേറ്റ് തകർന്ന് ദേഹത്ത് വീണ് ആറ് വയസുകാരന് ദാരുണാന്ത്യം. ഹയത്‌നഗർ ജില്ലാ പരിഷത്ത് സ്‌കൂളിലാണ് വിദ്യാർത്ഥിയുടെ ജീവനെടുത്ത ദാരുണ സംഭവമുണ്ടായത്. ഒന്നാം ക്ലാസ് വിദ്യാർത്ഥിയായ അജയ് ആണ്...

Popular this week

Ads Blocker Image Powered by Code Help Pro

Ads Blocker Detected!!!

We have detected that you are using extensions to block ads. Please support us by disabling these ads blocker.