തിരുവനന്തപുരം: സംസ്ഥാനത്തെ റോഡുകളുടെ ശോച്യാവസ്ഥയില് വിമര്ശനവുമായി നടന് ജയസൂര്യ. മഴയാണ് റോഡ് അറ്റകുറ്റപ്പണിയുടെ തടസം എന്ന സര്ക്കാര് വാദം ജനം അറിയേണ്ട. കുഴികളില് വീണ് ജനം മരിക്കുമ്പോള് കരാറുകാരനാണ് ഉത്തരവാദിത്വമെന്നും ജയസൂര്യ പറഞ്ഞു.
പൊതുമരാമത്ത് റോഡുകളുടെ പരിപാലന കാലാവധി റോഡില് പ്രസിദ്ധപ്പെടുത്തുന്ന പദ്ധതിയുടെ സംസ്ഥാന തല ഉദ്ഘാടന ചടങ്ങിലാണ് ജയസൂര്യയുടെ വിമര്ശനം. പൊതുമരാമത്ത് മന്ത്രി പി.എ. മുഹമ്മദ് റിയാസിന്റെ സാന്നിധ്യത്തിലായിരുന്നു താരം വിമര്ശനം നടത്തിയത്.
കാലാവധി അവസാനിക്കാത്ത റോഡുകളില് അപാകത ശ്രദ്ധയില്പ്പെട്ടാല് പൊതുജനങ്ങള്ക്ക് നേരിട്ട് വിവരം അറിയിക്കാനാണ് പുതിയ സംവിധാനം നിലവില് വരുത്തുന്നതെന്ന് മന്ത്രി റിയാസ് പറഞ്ഞു. ഡിഫക്ട് ലയബിലിറ്റി കാലാവധിയിലുള്ള റോഡുകളുടെ കരാറുകാര്, കരാറുകാരുടെ ഫോണ് നമ്പര്, ചുമതലപ്പെട്ട ഉദ്യോഗസ്ഥന്റെ ഫോണ് നമ്പര് എന്നിവ പുതിയ പദ്ധതി പ്രകാരം ബോര്ഡില് പ്രദര്ശിപ്പിക്കും.