അബുദാബി: യുഎസ് സൈനികതാവളങ്ങൾ ലക്ഷ്യമാക്കി ഇറാൻ കനത്ത ആക്രമണം ആരംഭിച്ചതോടെ നിലവിലെ പ്രാദേശിക സാഹചര്യങ്ങൾ കണക്കിലെടുത്ത് യുഎഇയിലെ ഇന്ത്യൻ പൗരന്മാർ ജാഗ്രത പാലിക്കണമെന്ന് അബുദാബിയിലെ ഇന്ത്യൻ എംബസി അറിയിച്ചു. അനാവശ്യ യാത്രകൾ ഒഴിവാക്കണമെന്നും സുരക്ഷാ കാര്യങ്ങളിൽ പ്രത്യേക ശ്രദ്ധ ചെലുത്തണമെന്നുമാണ് എംബസി നൽകുന്ന നിർദ്ദേശം.
ചുറ്റുമുള്ള സാഹചര്യങ്ങളിൽ അതീവ ശ്രദ്ധ പുലർത്തുകയും ജാഗ്രതയോടെ ഇരിക്കുകയും ചെയ്യുക.
യുഎഇ അധികൃതരും ഇന്ത്യൻ എംബസിയും സമയാസമയങ്ങളിൽ പുറപ്പെടുവിക്കുന്ന സുരക്ഷാ മാർഗനിർദ്ദേശങ്ങൾ കൃത്യമായി പിന്തുടരുക.
അബുദാബിയിലെ ഇന്ത്യൻ എംബസിയും ദുബായിലെ കോൺസുലേറ്റ് ജനറലും നിലവിൽ സാധാരണ രീതിയിൽ തന്നെ പ്രവർത്തിക്കുന്നുണ്ടെന്നും ആവശ്യമായ അപ്ഡേറ്റുകൾ നൽകുമെന്നും അധികൃതർ വ്യക്തമാക്കി.
ഏതെങ്കിലും തരത്തിലുള്ള അടിയന്തര സഹായങ്ങൾക്കായി താഴെ പറയുന്ന നമ്പറുകളിലും ഇമെയിൽ വിലാസങ്ങളിലും ഇന്ത്യൻ പൗരന്മാർക്ക് ബന്ധപ്പെടാവുന്നതാണ്:
ടോൾ ഫ്രീ നമ്പർ: 800-46342
വാട്സാപ്പ് (WhatsApp): +971 543090571
ഇമെയിൽ: [email protected], [email protected]
The Indian Embassy in Abu Dhabi has issued a high-alert travel advisory for Indian citizens residing in or traveling to the UAE following Iran’s attacks on US military bases in the region. In light of the escalating security situation, the embassy has urged Indians to remain vigilant and avoid non-essential travel. Citizens are advised to stay updated through official channels and prioritize their personal safety as the geopolitical conflict intensifies across the Middle East