വയനാട് : സർക്കാർ ഉദ്യോഗസ്ഥയായ അമ്മയുടെ അവിഹിത ബന്ധം കാരണം തങ്ങൾ ശാരീരികവും മാനസികവുമായ ബുദ്ധിമുട്ടുകൾ അനുഭവിക്കുകയാണെന്ന മക്കളുടെ പരാതിയിൽ മീനങ്ങാടി പോലീസ് എസ്.എച്ച്.ഒ. അടിയന്തരവും നിയമാനുസൃതവുമായ നടപടികൾ സ്വീകരിക്കണമെന്ന് മനുഷ്യാവകാശ കമ്മീഷൻ ജുഡീഷ്യൽ അംഗം കെ. ബൈജുനാഥ്.
പരാതിക്കാരായ കുട്ടികൾക്ക് അമ്മയിൽ നിന്നോ അമ്മയുടെ സുഹൃത്തിൽ നിന്നോ ഭാവിയിൽ ദേഹോപദ്രവമോ മറ്റ് ഭീഷണികളോ ഉണ്ടായാൽ മീനങ്ങാടി പോലീസ് എസ്.എച്ച്.ഒ. യെ സമീപിക്കാമെന്നും കമ്മീഷൻ പരാതിക്കാരായ കുട്ടികൾക്ക് നിർദ്ദേശം നൽകി. കുടുംബത്തിനുള്ളിലെ തർക്കവിഷയങ്ങളിൽ നടപടി സ്വീകരിക്കുന്നതിന് കമ്മീഷന് നിയമപരമായ പരിമിതികളുണ്ടെന്നും ഉത്തരവിൽ പറഞ്ഞു. കുട്ടികളുടെ അമ്മയ്ക്ക് താക്കീത് നൽകിയിട്ടുണ്ടെന്നും മാതാപിതാക്കൾ തമ്മിലുള്ള പ്രശ്നം കുടുംബകോടതിയിലൂടെ പരിഹരിക്കാൻ നിർദ്ദേശം നൽകിയിട്ടുണ്ടെന്നും എസ്.എച്ച്.ഒ. സമർപ്പിച്ച റിപ്പോർട്ടിൽ പറഞ്ഞു.
English Summary
The Kerala State Human Rights Commission has intervened in a complaint filed by children alleging physical and mental harassment due to their mother’s extramarital relationship. The mother, who is a government employee, is accused of neglecting and mistreating her children. Judicial Member K. Baijunath has directed the Meenangadi Police SHO to take immediate and legal action regarding the complaint to ensure the safety and well-being of the children.