കൊച്ചി: സംസ്ഥാനത്ത് സ്വര്ണ വിലയില് തുടര്ച്ചയായ രണ്ടാം ദിവസവും ഇടിവ്. പവന് 160 രൂപയാണ് കുറഞ്ഞത്. ഒരു പവന് സ്വര്ണത്തിന്റെ ഇന്നത്തെ വില 36,120 രൂപ. ഗ്രാം വില ഇരുപതു രൂപ കുറഞ്ഞ് 4515 ആയി. സ്വര്ണ വില ഇന്നലെ പവന് എണ്പതു രൂപ കുറഞ്ഞിരുന്നു.
കഴിഞ്ഞ ഒരാഴ്ചയിലേറെയായി വില താഴുന്ന പ്രവണതയാണ് പ്രകടമാവുന്നത്. ഈ മാസം പതിനേഴിനാണ് വില സമീപ ദിവസങ്ങളിലെ ഉയര്ന്ന നിലയില് എത്തിയത്. 36.560 വരെ എത്തിയ വില പിന്നീടുള്ള ദിവസങ്ങളില് കുറയുകയായിരുന്നു.
നവംബര് ഒന്നിന് പവന് 35,760 രൂപയായിരുന്നു സ്വര്ണ വില. നവംബര് മൂന്ന്, നാല് തിയതികളില് നവംബറിലെ ഏറ്റവും കുറഞ്ഞ നിരക്കില് ആയിരുന്നു സ്വര്ണ വില. ഒരു പവന് സ്വര്ണത്തിന് 35,640 രൂപയായിരുന്നു വില. അതേസമയം നവംബര് 16ന് ആണ് നവംബറിലെ ഏറ്റവും ഉയര്ന്ന നിരക്കില് സ്വര്ണ വില എത്തിയത്. ഒരു പവന് സ്വര്ണത്തിന് 36,920 രൂപയായിരുന്നു വില. എന്നാല് പിന്നീട് വില ഇടിയുകയായിരുന്നു.
ഒക്ടോബര് 26-നാണ് ഒക്ടോബറിലെ ഏറ്റവും ഉയര്ന്ന നിരക്കില് സ്വര്ണ വില എത്തിയത്. പവന് 36,040 രൂപയായിരുന്നു വില. ഒക്ടോബര് ഒന്നിന് പവന് 34,720 രൂപയായിരുന്നു വില. ഇതാണ് ഒക്ടോബറിലെ കുറഞ്ഞ നിരക്ക്. ഓഹരികള് കരുത്താര്ജിച്ചതും യുഎസ് ബോണ്ടുകളില് നിന്നുള്ള വരുമാനം ഉയര്ന്നതും സെപ്റ്റംബറില് സ്വര്ണത്തിന് മങ്ങലേല്പ്പിച്ചിരുന്നു . ഡോളറിന്റെ വിനിമയ മൂല്യം ഉയര്ന്നതും തിരിച്ചടിയായി മാറിയിരുന്നു.