നാഗര്‍കോവില്‍: ബൈക്ക് യാത്രക്കിടെ വീട്ടമ്മയെ ഇടിച്ചു വീഴ്ത്തി പത്തുപവന്റെ താലിമാല കവര്‍ന്നു. അണ്ടുകോട് സ്വദേശിനി ബേബി(57)യുടെ മാലയാണ് അജ്ഞാതരായ യുവാക്കള്‍ കവര്‍ന്നത്. കഴിഞ്ഞ ദിവസം ഇലവുവിളയില്‍ താമസിക്കുന്ന മകളുടെ വീട്ടിലേക്ക് പോകുമ്പോഴാണ് സംഭവം നടന്നത്.
വെട്ടുവെന്നി ഭാഗത്തേക്കു പോകുമ്പോള്‍ പുറകില്‍ നിന്നെത്തിയ ബൈക്ക് ബേബി ഓടിച്ച സ്‌കൂട്ടറില്‍ ഇടിച്ചു. തുടര്‍ന്ന് ബേബി റോഡില്‍ വീഴുകയായിരുന്നു. ബൈക്കിലെ യുവാവ് വീണുകിടന്ന ബേബിയുടെ കഴുത്തില്‍ നിന്ന് മാലപൊട്ടിച്ചെടുത്ത ശേഷം സ്ഥലംവിട്ടു. മാര്‍ത്താണ്ഡം പോലീസ് അന്വേഷണം ഏറ്റെടുത്തു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
