കൊച്ചി: സംസ്ഥാനത്ത് സ്വര്ണ വിലയില് വര്ധന. 160 രൂപ വര്ധിച്ച് ഒരു പവന് സ്വര്ണത്തിന്റെ വില 35,760 രൂപയായി. 20 രൂപയാണ് ഒരു ഗ്രാം സ്വര്ണത്തിന് കൂടിയത്. നിലവില് 4470 രൂപയാണ് ഒരു ഗ്രാം സ്വര്ണത്തിന്റെ വില.ഈ മാസത്തിന്റെ തുടക്കത്തില് 36,360 രൂപയായിരുന്നു ഒരു പവന് സ്വര്ണത്തിന്റെ വില. പിന്നീടുള്ള ദിവസങ്ങളില് വില താഴുന്നതാണ് ദൃശ്യമായത്.
കഴിഞ്ഞദിവസം ഈ മാസത്തെ ഏറ്റവും കുറഞ്ഞനിലവാരത്തില് വില എത്തിയിരുന്നു.35,600 രൂപയാണ് ഈ മാസത്തെ ഏറ്റവും കുറഞ്ഞനിരക്ക്. തുടര്ന്ന് ഇന്ന് വില ഉയരുകയായിരുന്നു. വരും ദിവസങ്ങളില് സ്വര്ണ വില സ്ഥിരത ആര്ജിക്കാനുള്ള സാധ്യതകള് വിരളമെന്ന് വിപണി വിദഗ്ധര് പറഞ്ഞു.
ഈ മാസം സ്വര്ണ വിലയില് അനിശ്ചിതത്വം തുടരുകയാണ്.കൂടിയും കുറഞ്ഞും അസ്ഥിരമാണ് വില. യുഎസ് ബോണ്ടുകളില് നിന്നുള്ള വരുമാനം ഉയര്ന്നതും ട്രഷനി വരുമാനം ആറ് ആറാഴ്ചത്തെ ഉയര്ന്ന നിരക്കില് എത്തിയതുമാണ് സ്വര്ണ വില പെട്ടെന്ന് കുറയാന് കാരണം. രാജ്യാന്തര വിപണിയില് വില കുറഞ്ഞതാണ് ആഭ്യന്തര വിപണിയിലും വില കുറച്ചത്. അതേസമയം ഒമിക്രോണ് ആശങ്കകളും, പണപ്പെരുപ്പം ഉയരുന്നതും സ്വര്ണത്തിന് നേരിയ മുന്തൂക്കം നല്കുന്നുണ്ട്.
ഡിസംബര് മൂന്നിന് ഒരു പവന് സ്വര്ണത്തിന് 35,560 രൂപയായിരുന്നു വില. ഒരു ഗ്രാമിന് 4,445 രൂപയും. ഇതായിരുന്നു ഡിസംബറിലെ കുറഞ്ഞ നിരക്ക്. ഡിസംബര് 17 മുതല് 20 വരെയുള്ള കാലയളവില് ഏറ്റവും ഉയര്ന്ന നിരക്കിലായിരുന്നു സ്വര്ണ വില. ഒരു പവന് സ്വര്ണത്തിന് 36,560 രൂപയായിരുന്നു വില. ഡിസംബറില് സ്വര്ണ വിലയില് പവന് 440 രൂപയുടെ വര്ധനയാണുണ്ടായത്.
വെള്ളി വിലയില് മാറ്റമില്ല. ഒരു ഗ്രാം വെള്ളിക്ക് 64.60 രൂപയിലാണ് വ്യാപാരം നടക്കുന്നത്. എട്ട് ഗ്രാം വെള്ളിയ്ക്ക് 516.80 രൂപയാണ് വില. പത്ത് ഗ്രാം വെള്ളിക്ക് 646 രൂപയും ഒരു കിലോഗ്രാമിന് 64,600 രൂപയുമാണ് വില.