കോട്ടയം മെഡിക്കൽ കോളേജിന് സമീപം ആളൊഴിഞ്ഞ പറമ്പിൽ കഞ്ചാവ് ചെടി കണ്ടെത്തി

കോട്ടയം: മെഡിക്കൽ കോളേജ് ആശുപത്രിക്ക് സമീപം ആളൊഴിഞ്ഞ പറമ്പിൽ വളർത്തിയിരുന്ന കഞ്ചാവ് ചെടി കണ്ടെത്തി.ആശുപത്രിക്ക് എതിർവശത്തുള്ള കാടു പിടിച്ച പറമ്പിലാണ് കഞ്ചാവ് ചെടി വളർത്തിയിരുന്നത്.

ഒന്നര മീറ്റർ ഉയരമുള്ള കഞ്ചാവ് ചെടിക്ക് മൂന്നര മാസത്തെ വളർച്ചയുണ്ടെന്ന് എക്സൈസ് അധികൃതർ പറഞ്ഞു.രഹസ്യ വിവരത്തിൻ്റെ അടിസ്ഥാനത്തിൽ കോട്ടയം എക്സൈസ് സി ഐയുടെ നേതൃത്വത്തിൽ നടത്തിയ പരിശോധനയിലാണ് കഞ്ചാവ് ചെടി കണ്ടെത്തിയത്.

കഞ്ചാവ് ചെടി നട്ടു വളർത്തിയതാരെന്ന അന്വേഷണവും ഊർജിതമാക്കിയിരിക്കുകയാണ് എക്സൈസ് സംഘം.