കോട്ടയത്ത് വന്‍ കഞ്ചാവ് വേട്ട; ടൂറിസ്റ്റ് ബസില്‍ കടത്താന്‍ ശ്രമിച്ച പത്ത് കിലോ കഞ്ചാവുമായി സേലം സ്വദേശി അറസ്റ്റില്‍

കോട്ടയം: കോട്ടയത്ത് വന്‍ കഞ്ചാവ് വേട്ട. ടൂറിസ്റ്റ് ബസില്‍ കടത്താന്‍ ശ്രമിച്ച പത്ത് കിലോ കഞ്ചാവുമായി ഒരാളെ എക്സൈസ് ഉദ്യോഗസ്ഥര്‍ പിടികൂടി. തമിഴ്നാട് സേലം സ്വദേശി ശങ്കര്‍ ഗണേഷാണ് അറസ്റ്റിലായത്. സേലത്ത് നിന്നാണ് കഞ്ചാവ് വാങ്ങിയതെന്ന് പ്രതി മൊഴി നല്‍കി.

ബാഗില്‍ അഞ്ച് പൊതികളിലായി ഒളിപ്പിച്ച നിലയിലായിരുന്നു കഞ്ചാവ്. ഇയാള്‍ മുന്‍പും കോട്ടയത്ത് കഞ്ചാവ് എത്തിച്ചിട്ടുണ്ടെന്ന് എക്സൈസ് ഉദ്യോഗസ്ഥര്‍ പറഞ്ഞു.