കോട്ടയം:കോട്ടയത്ത് സൗത്ത് പാമ്പാടിയിൽ കുറുക്കന്റെ ആക്രമണം.രണ്ട് പേർക്ക് പരിക്കേറ്റു.സൗത്ത് പാമ്പാടി കല്ലേപ്പുറം ഭാഗത്ത് ഇന്ന് ഉച്ചകഴിഞ്ഞ് 2.30 ഓടെയാണ് സംഭവം.പ്രദേശവാസികളായ രണ്ടു പേർക്കാണ് പരിക്കേറ്റത്.പരിക്കേറ്റ യുവതിയുടെ മുഖത്തും കാലിനും കുറുക്കന്റെ കടിയേറ്റതായാണ് വിവരം.
പാമ്പാടി ആശുപത്രിയിലെ പ്രാഥമിക ചികിത്സക്ക് ശേഷം ഇവരെ കോട്ടയം മെഡിക്കൽ കോളജിൽ പ്രവേശിപ്പിച്ചു.മാന്തുരുത്തി, സൗത്ത് പാമ്പാടി, കല്ലേപ്പുറം ഭാഗത്ത് ഏതാനും നാളുകളായി കുറുക്കൻ്റെയും, കുരങ്ങുകളുടെയും ശല്യം ഏറുന്നതായി നാട്ടുകാർ പറയുന്നു.രാത്രിക്കാലങ്ങളിൽ കൂട്ടത്തോടെ എത്തുന്ന കുറുക്കന്മാർ പുരയിടങ്ങളിലെ കൃഷി വിളകൾ നശിപ്പിക്കുന്നത് പതിവായിരിക്കുകയാണ്.ഇതിനിടെയാണ് ഏറ്റവും ഒടുവിൽ മനുഷ്യരെയും ആക്രമിക്കുന്ന സംഭവങ്ങൾ ഉണ്ടായിരിക്കുന്നത്.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
