MOVIE🎥അവർക്കിഷ്ട്ടമാകാത്ത സിനിമ പുള്ളിക്കാരന് ഇഷ്ട്ടമായി അതാണ് പ്രശ്നം,തിയറ്ററില്‍ ആറാട്ട് വര്‍ക്കിയെത്തിയപ്പോള്‍ സംഘര്‍ഷം

കൊച്ചി:ഇന്നലെ തിയേറ്ററിൽ റിവ്യൂ പറയാൻ എത്തിയ സന്തോഷ് വർക്കിക്കെതിരെ വലിയ സംഘർഷമാണ് ഉണ്ടായത്, താരത്തിനെ റിവ്യൂ പറയാൻ സമ്മതിക്കാതെ തിയേറ്ററിൽ നിന്നും ഇറക്കി വിടുകയാണ് ഉണ്ടായത്, ഇപ്പോൾ ഈ വിഷയത്തെക്കുറിച്ച് സിനിഫൈൽ എന്ന ഗ്രൂപ്പിൽ വന്നൊരു പോസ്റ്റാണ് ഏറെ ശ്രദ്ധ നേടുന്നത്, സന്തോഷ്‌ വർക്കിക്കെതിരെ ഇന്ന് നടന്നത് യഥാർത്ഥത്തിൽ മനഃപൂർവ്വമായ വ്യക്തിഹത്യ ആണ്….. കണ്ട സിനിമ നല്ലതാണെന്നു പറഞ്ഞപ്പോൾ അതിനെ ചോദ്യം ചെയ്യുന്ന കുറേ മാധ്യമ പ്രവർത്തകർ…. അതോ ഫാൻസുകാർ ആണോന്നു പോലും മനസിലാക്കാൻ പറ്റാത്ത രീതിയിലുള്ള പെരുമാറ്റം

അവർക്കിഷ്ട്ടമാകാത്ത സിനിമ പുള്ളിക്കാരന് ഇഷ്ട്ടമായി അതാണ് പ്രശ്നം….. സന്തോഷ്‌ വർക്കി…. നിങ്ങൾ ഇതുപോലെ ഓരോ സിനിമയും കണ്ട് മാധ്യമപ്രവർത്തകരുടെ മുന്നിൽ ചെന്നു നിന്ന് തല്ലു കൂടി റിവ്യൂ പറയണോ…..അതോ പകരം ഒരു യൂട്യൂബ് ചാനലിൽ ഇരുന്നു കുറച്ചുകൂടെ വ്യക്തമായി ഓരോ സിനിമയെയും വിശകലനം ചെയ്തു നിങ്ങളെ ഇഷ്ട്ടപ്പെടുന്ന ഒരു പറ്റം ആളുകളെ ഉണ്ടാക്കിയെടുക്കാൻ ശ്രമിക്കണോ എന്നാണ് പോസ്റ്റിൽ പറയുന്നത്.

ആറാട്ട് എന്ന സിനിമയോട് മലയാളികൾക്ക് സുപരിചിതനായി സന്തോഷ് വർക്കി. തിയേറ്റർ റെസ്പോൺസ് വീഡിയോ ഇറങ്ങി വൈറലായ താരമാണ് ഇദ്ദേഹം. പിന്നീട് മലയാള സിനിമകൾ ഇറങ്ങിയപ്പോഴും ഫസ്റ്റ് ഡേ തന്നെ “ആറാട്ട്” സന്തോഷ് വർക്കിയുടെ റിവ്യൂസ് കാണാൻ മലയാളികൾ കാത്തിരുന്നു. മറ്റുള്ളവരെ പോലെ തന്നെ സന്തോഷ് വർക്കിയും അങ്ങനെ യൂട്യൂബ് ചാനൽ തുടങ്ങി, സിനിമ അഭിപ്രായങ്ങൾ മറ്റ് കാര്യങ്ങളും ഷൂട്ട് ചെയ്ത പങ്കുവെക്കാറുണ്ട്.

ചില യൂട്യൂബ് ചാനലുകളിൽ അഭിമുഖം നൽകി സോഷ്യൽ മീഡിയയിൽ കൂടുതൽ ട്രോളുകൾ വാരിക്കൂട്ടിയ ഒരാളാണ് സന്തോഷ് വർക്കി. നടി നിത്യാ മേനോനെ കല്യാണം കഴിക്കാൻ ആഗ്രഹമുണ്ടെന്ന് സന്തോഷ് വർക്കി പറഞ്ഞതൊക്കെ വൻ ട്രോൾ ഏറ്റുവാങ്ങിയതാണ്. അദ്ദേഹത്തിന്റെ മാനസിക നിലയിൽ പോലും പലരും സംശയങ്ങൾ ഉന്നയിച്ചിരുന്നു.