ഇല്ലിക്കൽ കല്ലിൽനിന്ന് മടങ്ങിയ ട്രാവലർ അപകടത്തിൽപെട്ട് ഏഴ് പേർക്ക് പരിക്ക്

ഈരാറ്റുപേട്ട: ഇല്ലിക്കക്കല്ല് കണ്ട് തിരികെ വന്ന വിനോദ സഞ്ചാരികൾ സഞ്ചരിച്ച ട്രാവലർ അപകടത്തിൽപെട്ട് ഏഴ് പേർക്ക് പരിക്കേറ്റു. പരുക്കേറ്റ പോണ്ടിച്ചേരി സ്വദേശികളായ മുരുകദാസ് (45 ) ബി.അയ്യപ്പൻ (36) വെങ്കിടേഷ് (36) അശോക് കുമാർ ( 43) നജീബ് (35) പി അയ്യപ്പൻ (36) എന്നിവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു. വാഗമണ്ണിൽ വന്ന സംഘം സഞ്ചരിച്ച വാഹനം മേലടുക്കം ഭാഗത്ത് വച്ചാണ് അപകടത്തിൽ പെട്ടത് 7 മണിയോടെയാണ് അപകടം.

നിസ്സാര പരിക്കേറ്റ ഇവരെ പി.എം.സി ആശുപത്രിയിൽ പ്രവേശിപ്പിച്ചു.  പോണ്ടിച്ചേരി കാരയ്ക്കൽ സ്വദേശികൾ സഞ്ചരിച്ച ട്രാവലർ ബ്രേക്ക് നഷ്ടപ്പെട്ട്   മേലെടുക്കം എസ് വളവ് ഭാഗത്ത് വച്ച് കയ്യാലയിൽ ഇടിച്ചാണ് അപകടം. 14 പേരാണ് വാഹനത്തിലുണ്ടായിരുന്നത്.