പേരാമ്പ്രയിൽ പോര് മുറുകുന്നു; ഫാത്തിമ തഹ്‍ലിയക്കും തിരഞ്ഞെടുപ്പ് കമ്മീഷന്റെ നോട്ടീസ്

കോഴിക്കോട്: പേരാമ്പ്ര നിയോജക മണ്ഡലത്തിലെ തിരഞ്ഞെടുപ്പ് പ്രചാരണത്തിനിടെ വർഗീയ പരാമർശങ്ങൾ ഉന്നയിച്ചെന്ന ആരോപണത്തിൽ യുഡിഎഫ് സ്ഥാനാർത്ഥി അഡ്വ. ഫാത്തിമ തഹ്‍ലിയയ്ക്ക് തിരഞ്ഞെടുപ്പ് കമ്മീഷൻ നോട്ടീസ് അയച്ചു. വീടുകൾ സന്ദർശിക്കുന്നതിനിടെ സമുദായത്തിന്റെ പേര് പറഞ്ഞ് വോട്ട് ചോദിച്ചുവെന്ന മൂന്ന് വ്യക്തികളുടെ പരാതിയുടെ അടിസ്ഥാനത്തിലാണ് ഈ നടപടി.

മാതൃകാ പെരുമാറ്റച്ചട്ട ലംഘനം നടന്നോ എന്ന് പരിശോധിക്കുന്നതിന്റെ ഭാഗമായി ഡെപ്യൂട്ടി കളക്ടറാണ് വിശദീകരണം തേടിയിരിക്കുന്നത്. നേരത്തെ എൽഡിഎഫ് സ്ഥാനാർത്ഥി ടി.പി. രാമകൃഷ്ണന് നോട്ടീസ് ലഭിച്ചതിന് പിന്നാലെ യുഡിഎഫ് സ്ഥാനാർത്ഥിക്കെതിരെയും നടപടിയുണ്ടാകുന്നത് മണ്ഡലത്തിൽ വലിയ രാഷ്ട്രീയ ചർച്ചകൾക്ക് വഴിമരുന്നിട്ടിരിക്കുകയാണ്.​മൂന്ന് വ്യത്യസ്ത വ്യക്തികളാണ് ഫാത്തിമ തഹ്‍ലിയക്കെതിരെ പരാതി നൽകിയിരിക്കുന്നത്. മൂന്ന് പരാതികളും സമാന സ്വഭാവമുള്ളതാണെങ്കിലും പരാതിക്കാർ ആരോപണങ്ങൾക്കൊപ്പം കൃത്യമായ തെളിവുകളൊന്നും സമർപ്പിച്ചിട്ടില്ല എന്നത് ശ്രദ്ധേയമാണ്.

സ്ഥാനാർത്ഥികൾ പരസ്പരം വ്യക്തിഹത്യ നടത്തുകയാണെന്ന ആരോപണവും ഉയരുന്നുണ്ട്.​വിവാദമായ അനൗൺസ്‌മെന്റ് റെക്കോർഡ് ചെയ്ത് പ്രചാരണ വാഹനത്തിലൂടെയാണ് എൽഡിഎഫ് നടത്തിയത്. മുസ്ലിം വീടുകളിൽ പോയി “നമ്മുടെ വോട്ട് നമ്മുടെ ഖൗമിലെ കുട്ടിക്ക്” എന്ന് പറഞ്ഞ് മുസ്ലിം ലീഗ് വോട്ട് പിടിക്കുന്നുവെന്നായിരുന്നു അനൗൺസ്‌മെന്റിലെ ആരോപണം. സ്ഥാനാർത്ഥി ടി.പി. രാമകൃഷ്ണന്റെ ബോർഡ് വെച്ച വാഹനത്തിലാണ് ഈ അനൗൺസ്‌മെന്റ് മുഴങ്ങിയത്. ഇത് സ്ഥാനാർത്ഥിക്കെതിരെയുള്ള ബോധപൂർവ്വമായ വർഗീയ പ്രചാരണമാണെന്ന് യുഡിഎഫ് ചൂണ്ടിക്കാട്ടി.

The Election Commission has issued a notice to UDF candidate Adv. Fathima Thahlia following complaints that she sought votes based on community during house visits. This comes amid an ongoing controversy in Perambra where LDF candidate T.P. Ramakrishnan was also served a notice for allegedly making communal remarks through election announcements. While the UDF submitted video evidence against the LDF, the complaints against Thahlia lack substantial proof so far.