ചെന്നൈ:സർപാട്ട പരമ്പരൈ എന്ന ചിത്രത്തിലെ മറിയാമ്മയെ ഗംഭീരമായി അവതരിപ്പിച്ച് സിനിമാ പ്രേക്ഷകരുടെ പ്രശംസ നേടിയ നടിയാണ് ദുഷാര വിജയൻ. രായൻ,വേട്ടൈയ്യൻ തുടങ്ങിയ സിനിമകളിലെ മുൻനിര താരങ്ങൾക്കൊപ്പം നിരവധി വാഗ്ദാന പ്രോജക്ടുകളിൽ ദുഷാര വിജയൻ ഇപ്പോൾ അഭിനയിച്ചു വരികയാണ്.
ദുഷാരയുടെ കരിയറിലെ പ്രോജക്റ്റുകളുടെ പട്ടികയിലെ ഏറ്റവും പുതിയ കൂട്ടിച്ചേർക്കലാണ് ചിയാൻ 62.ചിയാൻ 62, സംവിധാനം ചെയ്യുന്നത് എസ്.യു. അരുൺ കുമാർ ആണ്. എസ് ജെ സൂര്യ, സുരാജ് വെഞ്ഞാറമൂട് തുടങ്ങി മറ്റ് അറിയപ്പെടുന്ന കലാകാരന്മാർ ഉൾപ്പെടുന്ന വൻ താരനിരയാണ് ചിത്രത്തിലുള്ളത്.
ഉള്ളടക്കത്തെ അടിസ്ഥാനമാക്കിയുള്ള ഈ ചിത്രത്തിൽ ദുഷാര വിജയനാണ് പ്രധാന നായികയായി എത്തുന്നത്. തേനി ഈശ്വറിന്റെ ഛായാഗ്രഹണവും ജി.വി. പ്രകാശ് കുമാറിന്റെ സംഗീത സംവിധാനവും ചിയാൻ 62വിനെ കൂടുതൽ മികവുറ്റതാക്കുമെന്നുറപ്പാണ്. എച്ച്ആർ പിക്‌ചേഴ്‌സിന്റെ ബാനറിൽ റിയ ഷിബുവാണ് ചിത്രം നിർമ്മിക്കുന്നത്.
എസ്.യു അരുൺ കുമാർ സംവിധാനം ചെയ്യുന്ന ഈ പ്രൊജക്ടിനെ ആകാംക്ഷയോടെയാണ് സിനിമാരാധകർ കാത്തിരിക്കുന്നത്. ചിയാൻ വിക്രം, എസ് ജെ സൂര്യ, സുരാജ് വെഞ്ഞാറമൂട്, ദുഷാര വിജയൻ തുടങ്ങിയ ഐക്കണുകളെ ഒരുമിച്ച് കൊണ്ടുവരുന്ന ചിയാൻ 62വിന്റെ ഷൂട്ടിംഗ് ഏപ്രിൽ 21ന് മധുരയിൽ ആരംഭിക്കും. പി ആർ ഓ പ്രതീഷ് ശേഖർ.
