മുംബൈ:നികുതി ദായകരെ സംബന്ധിച്ചിടത്തോളം ചില പ്രധാന തിയതികളും ഓർത്തിരിക്കേണ്ടതുണ്ട്.
ഓഡിറ്റ് ആവശ്യം ഇല്ലാത്ത സ്ഥാപനങ്ങൾ,ശമ്പള വരുമാനക്കാർ, പ്രൊഫഷണൽ സേവനങ്ങൾ നൽകുന്നവർ( 50 ലക്ഷം വരെ വരുമാനം ഉള്ളവർ) വ്യക്തികൾ, അസോസിയേഷൻ ഓഫ് പേർസൺ, തുടങ്ങിയ വിഭാഗങ്ങളിൽ വരുന്നവർ പിഴകൂടാതെ റിട്ടേൺ സമർപ്പിക്കേണ്ട അവസാന തീയതി 2023 ജൂലൈ 31 ആണ്.
2024-25 അസസ്മെൻറ് വർഷത്തേക്കുള്ള മുൻകൂർ നികുതിയുടെ ആദ്യ ഗഡു ഫയൽ ചെയ്യുന്നതിനുള്ള അവസാന തീയതിയാണ് ജൂൺ 15. 2023 മാർച്ചിൽ അവസാനിക്കുന്ന പാദത്തിൽ ത്രൈമാസ ടിഡിഎസ് സർട്ടിഫിക്കറ്റുകൾ നൽകാനുള്ള അവസാന തീയതിയും ജൂൺ 15 ആണ്.
ശമ്പളം ഒഴികെയുള്ള പേയ്മെൻറുൾക്ക് ഈടാക്കിയ നികുതിയ്ക്കാണ് ഇത്. 2022-23 സാമ്പത്തിക വർഷത്തിൽ നൽകിയ ശമ്പളത്തിൽ നിന്ന് നികുതി കുറച്ചതിൻെറ സർട്ടിഫിക്കറ്റ് ജീവനക്കാർക്ക് ജൂൺ 15-നകം നൽകണം. 2023 മാർച്ചിൽ അവസാനിക്കുന്ന പാദത്തിലെ ത്രൈമാസ ടിഡിഎസ് സർട്ടിഫിക്കറ്റുകൾ സമർപ്പിക്കാനുള്ള തിയതിയും ഇതാണ് (ശമ്പളം ഒഴികെയുള്ള പേയ്മെന്റുകൾക്കായി കുറച്ച നികുതിയുമായി ബന്ധപ്പെട്ട്)2024-25 മൂല്യനിർണ്ണയ വർഷത്തേക്കുള്ള മുൻകൂർ നികുതിയുടെ ആദ്യ ഗഡു അടക്കേണ്ടതും ജൂൺ 15ന് ആണ്.
ജൂൺ 30
ജൂൺ 30 മറ്റൊരു പ്രധാന തീയതിയാണ്. കാരണം നിരവധി സാമ്പത്തിക പ്രസ്താവനകൾ നൽകാനുള്ള സമയപരിധിയാണിത്.
സെക്ഷൻ 194-ഐഎ, സെക്ഷൻ 194-ഐബി, സെക്ഷൻ 194എം, സെക്ഷൻ 194-എസ് എന്നിവ പ്രകാരം ചലാൻ-കം-സ്റ്റേറ്റ്മെൻറ് നൽകാനുള്ള അവസാന തീയതിയാണിത്. ബിസിനസ് ട്രസ്റ്റുകൾ അതിൻെറ യൂണിറ്റ് ഹോൾഡർക്ക് വിതരണം ചെയ്യുന്ന വരുമാനത്തിൻെറ സ്റ്റേറ്റ്മൻറ് നൽകുന്നതിനുള്ള അവസാന തീയതിയും ജൂൺ 30 ആണ്. ഒരു ബാങ്കിംഗ് കമ്പനി സ്ഥിരനിക്ഷേപങ്ങൾക്ക് സ്രോതസ്സിൽ നികുതി കുറയ്ക്കാത്തതിൻെറ ത്രൈമാസ റിട്ടേണും ജൂൺ 30-നകം നൽകണം.
2023 മാർച്ച് 31-ന് അവസാനിക്കുന്ന പാദത്തിലെ ടൈം ഡെപ്പോസിറ്റിലെ പലിശയിൽ നിന്ന് സ്രോതസ്സിലെ നികുതി കിഴിവ് ചെയ്യാത്തതുമായി ബന്ധപ്പെട്ടതാണ് ഈ റിട്ടേൺ. പാൻ കാർഡ് ആധാറുമായി ബന്ധിപ്പിക്കുന്നതിനുള്ള സമയപരിധിയും ജൂൺ 30 ആണ്.