തിരുവനന്തപുരം: കെഎസ്ആര്ടിസി എംഡി ബിജു പ്രഭാകര് അവധിയില് പ്രവേശിച്ചു. ഫെബ്രുവരി 17വരെയാണ് അവധി എടുത്തിരിക്കുന്നത്. മന്ത്രി കെ.ബി.ഗണേഷ്കുമാറുമായുള്ള നയപരമായ വിയോജിപ്പ് നിലനില്ക്കെയാണ് അവധി. എന്നാല്, വ്യക്തിപരമായ കാരണങ്ങളെ തുടര്ന്നാണ് അവധിയെന്നാണ് എംഡിയുടെ വിശദീകരണം.
കഴിഞ്ഞ ദിവസം കെഎസ്ആര്ടിസി എംഡി സ്ഥാനത്തുനിന്ന് ഒഴിവാക്കണമെന്ന് ആവശ്യപ്പെട്ട് ബിജു പ്രഭാകര് ചീഫ് സെക്രട്ടറിക്ക് കത്തുനല്കിയിരുന്നു.
ആന്റണി രാജുവിന്റെ പകരക്കാരനായി ഗതാഗതമന്ത്രി സ്ഥാനത്ത് കെ.ബി. ഗണേഷ് കുമാര് എത്തിയപ്പോള് മുതല് ബിജു പ്രഭാകറുമായി നയപരമായ വിഷയങ്ങളില് അഭിപ്രായ ഭിന്നതയുണ്ടായിരുന്നു. എങ്കിലും അദ്ദേഹം എംഡി സ്ഥാനത്തു തുടരുകയായിരുന്നു. ഇലക്ട്രിക് ബസുമായി ബന്ധപ്പെട്ട വിഷയത്തിലും ഗണേഷ് കുമാര് സ്വീകരിച്ച നിലപാട് ഭിന്നത രൂക്ഷമാക്കിയത്.
വിദേശ സന്ദര്ശനത്തിലായിരുന്ന ബിജു പ്രഭാകര് മടങ്ങിയെത്തിയതിനു പിന്നാലെയാണ് എംഡി സ്ഥാനത്തുനിന്ന് നീക്കണമെന്ന് ആവശ്യപ്പെട്ട് ചീഫ് സെക്രട്ടറിക്കു കത്തു നല്കിയത്.