കോട്ടയം: ക്ഷേത്രത്തില്‍ എഴുന്നള്ളിപ്പിന് ശേഷം ഫോട്ടോ എടുക്കാനായി തലയുയര്‍ത്തി നില്‍ക്കാതിരുന്ന ആനയ്ക്ക് ഒന്നാം പാപ്പാന്റെ ക്രൂര മര്‍ദ്ദനം. മാര്‍ച്ച് 25 നാണ് സംഭവം നടന്നത്. കോട്ടയം പാമ്പാടി സ്വദേശിയുടെ ആന പാമ്പാടി സുന്ദരനാണ് പാപ്പാന്റെ മര്‍ദ്ദനമേറ്റത്.
എഴുന്നള്ളിപ്പിന് ശേഷം ഫോട്ടോയ്ക്ക് വേണ്ടി തലയുയര്‍ത്തി നില്‍ക്കാന്‍ പാപ്പാന്‍ ആനയോട് ആജ്ഞാപിക്കുകയും അത് ചെയ്യാതെ വന്നപ്പോള്‍ വടിയെടുത്ത് അടിക്കുകയുമാണ് ചെയ്തത്. ആനയെ ക്രൂരമായി മുഖത്തിടിക്കുന്ന വീഡിയോ സമൂഹമാധ്യമത്തില്‍ പ്രചരിച്ചതോടെ ഒന്നാം പാപ്പാന്‍ ഒളിവില്‍ പോയി. സംഭവത്തെത്തുടര്‍ന്ന് വനംവകുപ്പ് അധികൃതര്‍ നിയമ നടപടി ആരംഭിച്ചു.
ബ്രേക്കിംഗ് കേരളയുടെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക Whatsapp Group
| Telegram Group | Google News
