കൂനൂര് ഹെലികോപ്റ്റര് അപകടം: അന്വേഷണം പൂര്ത്തിയായി; റിപ്പോര്ട്ട് പുറത്ത്
![](https://breakingkerala.com/wp-content/uploads/2022/01/kanur.jpg)
ന്യൂഡല്ഹി: സംയുക്ത സേനാമേധാവി ജനറല് ബിപിന് റാവത്ത് അടക്കം 13 പേരുടെ മരണത്തിന് കാരണമായ കൂനൂര് ഹെലികോപ്റ്റര് അപകടം അട്ടിമറിയല്ലെന്ന് അന്വേഷണസംഘം കണ്ടെത്തിയതായി റിപ്പോര്ട്ട്.
അപകടം കാരണമുള്ള പിഴവ് കാരണമാകാം എന്നാണ് നിഗമനം. ഹെലികോപ്റ്ററിന് സാങ്കേതിക തകരാര് ഉണ്ടായിരുന്നില്ലെന്ന് കണ്ടെത്തി. എയര് മാര്ഷല് മാനവേന്ദ്ര സിംഗിന്റെ നേതൃത്വത്തില് ഉള്ള അന്വേഷണം പൂര്ത്തിയായി.റിപ്പോര്ട്ട് രണ്ടാഴ്ചയ്ക്കു ശേഷം പ്രസിദ്ധീകരിക്കും.
അതേസമയം,കൂനൂരില് ഹെലികോപ്റ്റര് അപകടത്തില് മരിച്ച ജൂനിയര് വാറന്റ് ഓഫീസര് പ്രദീപിന്റെ വീട് സന്ദര്ശിച്ച് മുഖ്യമന്ത്രി. ഇന്നലെ വീട്ടിലെത്തിയ പിണറായി വിജയന് പ്രദീപിന്റെ കുടുംബത്തെ ആശ്വസിപ്പിച്ചു. വീടിന്റെ സിറ്റൗട്ടില് വച്ചിരുന്ന പ്രദീപിന്റെ ചിത്രത്തില് മുഖ്യമന്ത്രി പുഷ്പാര്ച്ചന നടത്തി. അസുഖബാധിതനായി കിടപ്പിലായ പ്രദീപിന്റെ അച്ഛന് രാധാകൃഷ്ണനുമായി മുഖ്യമന്ത്രി സംസാരിച്ചു.