ജയ്പൂര്‍:മുൻ കോൺഗ്രസ് എംപി മാനവേന്ദ്ര സിങ്ങിൻ്റെ (Manvendra Singh) ഭാര്യ ചിത്ര സിംഗ് (Chitra Singh) വാഹനാപകടത്തിൽ മരിച്ചു. രാജസ്ഥാനിലെ അൽവാറിൽ ചൊവ്വാഴ്ചയുണ്ടായ വാഹനാപകടത്തിലാണ് ചിത്ര സിംഗ് മരിച്ചത്. മൂന്നു പേർക്ക് പരിക്കേറ്റു.
മുൻ കേന്ദ്രമന്ത്രി മാനവേന്ദ്ര സിംഗിൻ്റെ മകനാണ് മാനവേന്ദ്ര. അപകടസമയത്ത് അദ്ദേഹവും കാറിലുണ്ടായിരുന്നു. അപകടത്തിൽ പരിക്കേറ്റ മാനവേന്ദ്രയെ ആശുപത്രിയിൽ പ്രവേശിപ്പിച്ചു. ഡൽഹി-മുംബൈ എക്‌സ്പ്രസ് വേയിലാണ് അപകടം ഉണ്ടായത്.
മാനവേന്ദ്രയുടെ മകൻ ഹമീർ സിങ്ങും ഡ്രൈവറും പിൻസീറ്റിൽ ഉണ്ടായിരുന്നു. മാനവേന്ദ്രയാണ് കാർ ഓടിച്ചിരുന്നത്. കൂടാതെ, അപകടം നടന്ന ഭാഗത്ത് സ്ഥാപിച്ചിരുന്ന സിസിടിവി ക്യാമറകൾ പ്രവർത്തിച്ചിരുന്നില്ല. ചിത്രങ്ങളിൽ മാനവേന്ദ്ര സിംഗും കുടുംബവും സഞ്ചരിച്ചിരുന്ന വാഹനത്തിൻ്റെ തകർന്ന ഭാഗം കാണിച്ചു.
2004നും 2009നും ഇടയിൽ രാജസ്ഥാനിലെ ബാർമർ-ജയ്‌സാൽമീർ മണ്ഡലത്തെ പ്രതിനിധീകരിച്ച് ലോക്‌സഭാംഗമായിരുന്നു മാനവേന്ദ്ര സിംഗ്. അദ്ദേഹത്തിൻ്റെ പിതാവ് ജസ്വന്ത് സിങ്ങ് ഒരു രാഷ്ട്രീയ പ്രവർത്തകനായിരുന്നു. അദ്ദേഹം നിരവധി നിർണായക റോളുകൾ വഹിക്കുകയും ബിജെപിയുടെ സ്ഥാപക അംഗങ്ങളിൽ ഒരാളുമായിരുന്നു. 2020ൽ അദ്ദേഹം അന്തരിച്ചു.
