കേരള ഗവര്‍ണര്‍ ശ്രീ ആരിഫ് മുഹമ്മദ് ഖാന്‍
ലോകമെമ്പാടുമുള്ള കേരളീയര്‍ക്ക് ക്രിസ്മസ് ആശംസകള്‍ നേര്‍ന്നു.
“സ്നേഹത്തിന്റെയും അനുകമ്പയുടെയും ക്ഷമാശീലത്തിന്റെയും
ശാശ്വതചൈതന്യം ക്രിസ്മസ് ആഘോഷത്തിന്
തിളക്കമേകട്ടെ. സമാധാനവും ഐശ്വര്യവും ഒരുമയും കൊണ്ട് ആനന്ദകരമാകട്ടെ ഈ ക്രിസ്മസ് “- ഗവര്‍ണര്‍ ആശംസസന്ദേശത്തില്‍ പറഞ്ഞു
——————————————————–
മുഖ്യമന്ത്രിയുടെ ക്രിസ്മസ് ആശംസ
എല്ലാ വിഭാഗീയതകള്‍ക്കും അതീതമായി മനുഷ്യമനസ്സുകള്‍ ഒരുമിക്കണമെന്ന ക്രിസ്തുവിന്‍റെ മഹദ് സന്ദേശം ഉള്‍ക്കൊണ്ട് ക്രിസ്മസ് ആഘോഷിക്കണമെന്ന് മുഴുവൻ മലയാളികള്‍ക്കും ക്രിസ്മസ് ആശംസ നേര്‍ന്നുകൊണ്ട് മുഖ്യമന്ത്രി പിണറായി വിജയന്‍ പറഞ്ഞു.
സ്നേഹത്തിന്റെയും സാഹോദര്യത്തിന്‍റെയും സമത്വത്തിന്‍റെയും സന്ദേശമാണ് ത്യാഗനിര്‍ഭരമായ ജീവിതത്തിലൂടെ യേശു ജനങ്ങള്‍ക്ക് നല്‍കിയത്. സ്വന്തം ജനതയെ മതത്തിന്‍റെ അടിസ്ഥാനത്തില്‍ വേര്‍തിരിക്കാന്‍ ഭരണകൂടം ശ്രമിക്കുമ്പോള്‍ ക്രിസ്തുവിന്‍റെ സന്ദേശങ്ങള്‍ക്ക് എന്നത്തേക്കാളും പ്രസക്തിയുണ്ടെന്ന് മുഖ്യമന്ത്രി പറഞ്ഞു.
പ്രതിപക്ഷ നേതാവിന്റെ ക്രിസ്തുമസ് ആശംസ
തിരുവനന്തപുരും: പ്രതിപക്ഷ നേതാവ് രമേശ് ചെന്നിത്തല എല്ലാവര്‍ക്കും ശാന്തിയും സമാധാനവും ആഹ്‌ളാദവും നിറഞ്ഞ ക്രിസ്തുമസ് ആശംസകള്‍ നേര്‍ന്നു.
സ്നേഹത്തിന്റെയും പ്രത്യാശയുടെയും സന്ദേശമാണ് ക്രിസ്തുമസ് നമുക്ക് നല്‍കുന്നത്. നിന്നെപ്പോലെ നിന്റെ അയല്‍ക്കാരനെയും സ്‌നേഹിക്കുക എന്ന വചനത്തിന്റെ പ്രസക്തി വളരെയേറെ വര്‍ദ്ധിച്ച കാലഘട്ടമാണിത്. വിദ്വേഷത്തിന്റെ കാര്‍മേഘപടലങ്ങള്‍ മാറി പരസ്പര സ്‌നേഹത്തിന്റെ ക്രിസ്തുമസ് പുലരി എങ്ങും വിരിയട്ടെ എന്ന് രമേശ് ചെന്നിത്തല ആശംസിച്ചു.