വാലന്റൈൻസ് ഡേയ്ക്ക് ഇനി ദിവസങ്ങൾ മാത്രമേ ഉള്ളു. പ്രണയങ്ങളിൽ ഫോണുകൾക്കും ഡാറ്റയ്ക്കും വളരെയേറെ പ്രാധാന്യമുണ്ട്. തമ്മിൽ കണക്റ്റഡ് ആയിരിക്കാൻ മികച്ച നെറ്റ്വർക്കും ഡാറ്റയും ആവശ്യമാണ്. അതുകൊണ്ട് തന്നെ ഇത്തവണത്തെ പ്രണയ ദിനത്തിൽ മികച്ചൊരു ഓഫർ അവതരിപ്പിച്ചിരിക്കുകയാണ് വോഡാഫോൺ ഐഡിയ. ഉപഭോക്താക്കൾക്ക് 5 ജിബി ഡാറ്റ സൌജന്യമായി നൽകുന്ന ഓഫറാണ് വിഐ പുറത്തിറക്കിയിരിക്കുന്നത്.
വോഡഫോൺ ഐഡിയ പ്രഖ്യാപിച്ച സൗജന്യ 5 ജിബി ഡാറ്റ ആനുകൂല്യങ്ങൾ വാലന്റൈൻസ് ഡേ പ്രത്യേക ഓഫറാണ്. ഈ ഓഫർ വിഐ പ്രീപെയ്ഡ് വരിക്കാർക്ക് മാത്രമേ ലഭ്യമാകൂ. സൗജന്യ ഇന്റർനെറ്റ് ഡാറ്റയ്‌ക്കൊപ്പം, വിഐ ട്യൂൺസ് ലൌ കോൺടസ്റ്റും വോഡഫോൺ ഐഡിയ സംഘടിപ്പിക്കുന്നുണ്ട്. ഈ മത്സരത്തിലെ വിജയിക്ക് 5000 രൂപ ക്യാഷ് പ്രൈസും ലഭിക്കും.
വോഡഫോൺ ഐഡിയയുടെ വരിക്കാർ 299 രൂപയ്ക്ക് റീചാർജ് ചെയ്താൽ അധികമായി 5 ജിബി ഡാറ്റ ലഭിക്കും. ഈ പ്ലാൻ 28 ദിവസത്തെ വാലിഡിറ്റിയാണ് നൽകുന്നത്. ഈ വാലിഡിറ്റി കാലയളവിൽ ഉപയോഗിക്കാൻ സാധിക്കുന്ന വിധത്തിലാണ് 5 ജിബി ഡാറ്റ നൽകുന്നത്. 299 രൂപ പ്ലാൻ അല്ലെങ്കിൽ നിങ്ങൾക്ക് 199 രൂപയുടെ പ്ലാനും റീചാർജ് ചെയ്യാം. ഇതിലൂടെ 2 ജിബി വരെ ഇന്റർനെറ്റ് ഡാറ്റയാണ് സൌജന്യമായി ലഭിക്കുന്നത്.
199 രൂപ മുതൽ 299 രൂപ വരെയുള്ള തിരഞ്ഞെടുത്ത പ്രീപെയ്ഡ് പ്ലാനുകളിലൂടെ ഉപയോക്താക്കൾക്ക് 28 ദിവസത്തെ വാലിഡിറ്റിയിൽ 2 ജിബി അധിക ഡാറ്റ നൽകുന്നുവെന്ന് വോഡാഫോൺ ഐഡിയ അറിയിച്ചു. 2023 ഫെബ്രുവരി 14 വരെ വിഐ ആപ്പിലൂടെ മാത്രം മാത്രം റീചാർജ് ചെയ്യുന്ന ആളുകൾക്കാണ് ഈ എക്‌സ്‌ക്ലൂസീവ് ഓഫർ ലഭ്യമാകുന്നത് എന്നും വോഡാഫോൺ ഐഡിയ പ്രസ്താവനയിലൂടെ അറിയിച്ചിട്ടുണ്ട്.
വോഡഫോൺ 299 പ്രീപെയ്ഡ് പ്ലാൻ അൺലിമിറ്റഡ് വോയിസ് കോളിങ് ആനുകൂല്യങ്ങളും നൽകുന്നുണ്ട്. ഈ പ്ലാനിലൂടെ ദിവസവും 1.5 ജിബി ഡാറ്റയാണ് ലഭിക്കുന്നത്. ഈ പ്ലാൻ ദിവസവും 100 എസ്എംഎസുകളും നൽകുന്നു. ഈ പാക്കിന് 28 ദിവസത്തെ വാലിഡിറ്റിയാണുള്ളത്. ഇതോടൊപ്പം, നിങ്ങൾക്ക് വീക്കെൻഡ് റോൾഓവർ ആനുകൂല്യം, ബിഞ്ച് ഓൾ നൈറ്റ് ആനുകൂല്യം എന്നിവയും വോഡാഫോൺ ഐഡിയ നൽകുന്നുണ്ട്.
299 രൂപ പ്ലാൻ റീചാർജ് ചെയ്യുന്ന മാസങ്ങളളിലെല്ലാം നിങ്ങൾക്ക് എല്ലാ മാസവും 2 ജിബി വരെ ബാക്കപ്പ് ഡാറ്റയും ലഭിക്കും. അധിക ചിലവുകളൊന്നുമില്ലാതെയാണ് ഈ ഡാറ്റ ലഭിക്കുന്നത്. ഇപ്പോൾ നിങ്ങൾ റീചാർജ് ചെയ്താൽ വാലന്റൈൻസ് ഡേ ഓഫറിനറെ ഭാഗമായി നിങ്ങൾക്ക് മൊത്തം 5 ജിബി സൗജന്യ ഡാറ്റയും ലഭിക്കും. ഫെബ്രുവരി 14ന് മുമ്പ് റീചാർജ് ചെയ്യുന്ന ആളുകൾക്ക് മാത്രമേ ഈ ആനുകൂല്യം ലഭിക്കുകയുള്ളു.
സൌജന്യ ഡാറ്റ ഓഫറിന് പുറമേ വോഡാഫോൺ ഐഡിയ ഉപയോക്താക്കൾക്കായി സോഷ്യൽ മീഡിയയിൽ ഒരു പ്രത്യേക വിഐ മ്യൂസിക്ക് മത്സരവും സംഘടിപ്പിക്കുന്നുണ്ട്. വിഐ ആപ്പിലെ ഹംഗാമ മ്യൂസിക്കിൽ വാലന്റൈൻ പ്ലേലിസ്റ്റിൽ നിന്നുള്ള ഒരു പാട്ടിന്റെ തെറ്റായി കൊടുത്തിട്ടുള്ള വരികളിൽ നിന്ന് ശരിയായ ഗാനം കണ്ടെത്താൻ കഴിയുന്ന ആളുകൾക്കാണ് വിജയിക്കാനുള്ള അവസരം ലഭിക്കുന്നത്.