ഹൈദരാബാദിൽ നിന്നുള്ള യൂട്യൂബറാണ് അര്മാന് മാലിക്. ലക്ഷക്കണക്കിന് ഫോളോവേഴ്‌സാണ് അദ്ദേഹത്തിന് ഇന്‍സ്റ്റഗ്രാമിലും യുട്യൂബിലുമുള്ളത്. തന്റെ ഭാര്യമാരായ പായല്‍ മാലിക്, കൃതിയ മാലിക് എന്നിവരുമായുള്ള ചിത്രങ്ങളും വിശേഷങ്ങളും അദ്ദേഹം എപ്പോഴും പങ്കുവെക്കാറുണ്ട്.
1.5 മില്യണ്‍ ഇന്‍സ്റ്റഗ്രാമിലും 2 മില്യണ്‍ യൂട്യൂബിലും അദ്ദേഹത്തെ ഫോളോ ചെയ്യുന്നുണ്ട്. ഇപ്പോളിതാ തന്റെ രണ്ട് ഭാര്യമായും ഒരേ സമയം ഗര്‍ഭിണികളാണെന്ന വിശേഷമാണ് അദ്ദേഹം തന്റെ ഇന്‍സ്റ്റഗ്രാമിലും പങ്കുവെച്ചത്. മെറ്റേണിറ്റി ഫോട്ടോസ് പങ്കുവെച്ചതോടെ വ്യാപകമായ വിമര്‍ശനമാണ് അര്മാന് നേരിടേണ്ട് വന്നത്.
എന്റെ കുടുംബം എന്ന പേരില്‍ ഭാര്യമാര്‍ക്കും മകനുമൊപ്പമുള്ള ചിത്രമാണ് അദ്ദേഹം പങ്കുവെച്ചത്.ഇരുവരെയും ചുംബിക്കുന്ന ചിത്രങ്ങളും അദ്ദേഹം പോസ്റ്റ് ചെയ്തിട്ടുണ്ട്. എന്നാല്‍ ഭാര്യമാര്‍ ഗര്‍ഭിണികളായ വിവരം പങ്കുവെച്ചതോടെ ജീവിതപങ്കാളികളുടെ പേരില്‍ കടുത്ത അധിക്ഷേപവും വിമര്‍ശനവും അര്മാന് നേരിടുകയാണ്. ഒരുലക്ഷത്തിലധികം ലൈക്ക് നേടിയ ചിത്രത്തിന് താഴെ 691 കമന്റുകളാണുള്ളത്. കമന്റുകളില്‍ ഭൂരിഭാഗവും നെഗറ്റീവ് കമന്റുകളാണ്.
വ്‌ളോഗറായ അര്മാന് തന്റെ ദൈനംദിനജീവിതത്തിലെ നിമിഷങ്ങളേയും ഫോളോവേഴ്‌സിനായി പങ്കുവെച്ചിരുന്നു. റിപ്പോര്‍ട്ടുകളനുസരിച്ച് 2011-ല്‍ അര്മാന് മാലിക് ആദ്യം വിവാഹം കഴിച്ചത് പായലിനെയാണ്. അതില്‍ ചിരയു മാലിക്കെന്ന മകനുമുണ്ട്.2018-ലാണ് പായലിന്റെ ആത്മമിത്രമായ കൃതികയെ വിവാഹം കഴിക്കുന്നത്.
അന്നു മുതല്‍ നാലംഗകുടുംബം ഒരുമിച്ചാണ് കഴിയുന്നത്. ഫോട്ടോകളിലും വീഡിയോകളിലും പായലും കൃതികയും ഒരുമിച്ചെത്താറുണ്ട്.അടുത്ത രണ്ടു കുഞ്ഞുങ്ങള്‍ക്കായുള്ള കാത്തിരിപ്പിലാണ് ഈ കുടുംബം.
എന്നാല്‍ രണ്ട് ഭാര്യമാർക്കൊപ്പം ജീവിക്കുന്നത് സാധാരണ കാര്യമല്ല. അതിനൊപ്പം ഇരുവരും ഒരുമിച്ച് ഗര്‍ഭിണിയായ വിവരം പങ്കുവെച്ചത് തെറ്റായ രീതിയില്‍ പ്രശസ്തി നേടാനും അതുവഴി പണമുണ്ടാക്കാനുമെന്നാണ് അര്‍മാനെ വിമര്‍ശിക്കുന്നവര്‍ പറയുന്നത്.
സര്‍ഗാത്മകമായ കഴിവ് കൊണ്ടല്ല അര്മാന് ശ്രദ്ധ നേടുന്നതെന്നും ഇത് ശരിയല്ലെന്നും അര്‍മാന്റെ ചിത്രങ്ങള്‍ക്കും വീഡിയോയ്ക്ക് താഴെ നിരവധിപ്പേര്‍ കുറിച്ചു. ഞെട്ടിപ്പോയി, സഹോദരാ നിങ്ങള്‍ ഒരു ക്രിക്കറ്റ് ടീമുണ്ടാക്കും, നിയമം രണ്ടു ഭാര്യമാരോട് ജീവിക്കുവാന്‍ അനുവദിക്കുമോ? തുടങ്ങിയ രീതിയിലാണ് കമന്റുകള്‍ വന്നത്. വളരെക്കുറച്ച് പേര്‍ നല്ല കമന്റുകളുമിട്ടിട്ടുണ്ട്.
