കേരളത്തിൽ വീണ്ടും അക്കൗണ്ട് തുറന്ന് ബിജെപി; ചാത്തന്നൂരിൽ ബി ബി ഗോപകുമാർ ജയിച്ചത് നാലായിരത്തിലേറെ വോട്ടിന്

കൊല്ലം : ചാത്തന്നൂർ മണ്ഡലത്തിൽ എൻഡിഎ സ്ഥാനാർഥി ബി.ബി.ഗോപകുമാർ വിജയിച്ചു. ആർ.രാജേന്ദ്രൻ ആയിരുന്നു എൽഡിഎഫ് സ്ഥാനാർഥി. സൂരജ് രവിയായിരുന്നു യുഡിഎഫ് സ്ഥാനാർഥി. കൊല്ലം ജില്ലയിൽ ബിജെപി വിജയ പ്രതീക്ഷ വച്ചുപുലർത്തിയ സീറ്റുകളിലൊന്നായിരുന്നു ചാത്തന്നൂർ. എന്നാൽ, എക്സിറ്റ് പോളിൽ സീറ്റിനെ പറയാതിരുന്നത് പാർട്ടിയുടെ ഉറക്കം കെടുത്തിയിരുന്നു.

2 തവണ രണ്ടാം സ്ഥാനത്തെത്തിയ ചാത്തന്നൂരിൽ ഇക്കുറി വിജയം ഉറപ്പാണെന്നായിരുന്നു പാർട്ടി നേതൃത്വം വ്യക്തമാക്കിയിരുന്നത്. 2016ലും 2021നും സിപിഐയിലെ ജി.എസ്.ജയലാൽ ആണ് മണ്ഡലത്തിൽ ജയിച്ചത്. ബിജെപി വിജയ പ്രതീക്ഷ വച്ചുപുലർത്തിയിരുന്ന ചാത്തന്നൂർ മണ്ഡലത്തിൽ എക്സിറ്റ് പോൾ ഫലം എതിരായത് ബിജെപിയുടെ ഉറക്കം കെടുത്തിയിരുന്നു.